Namminersulernissamut aqqutissat arlallit

Tunngaviusumik inatsisiliornissamut ataatsimiititaliortoqarnissaanut Inatsisartut massakkorpiaq Naalakkersuisut siunnersuutaat oqallisigileruttorpaat. 'Nunatsinni tunngaviusumik inatsiseqalernissaanik siunnersuusiortussamik isumalioqatigiissitamik pilersitsinissaq' najoqqutaralugu namminersulernissamut aqqutaasinaasut sisamat siunnersuutigineqarput.

Atuaruk: Isumalioqatigiissitamik ataatsimiititaliaq Inatsisartunit suliaripallanneqartoq

Namminersulernissamut siunnersuutit pingasut

Naalagaaffeqatigiiginnarnissamullu siunnersuut ataaseq.

Siunnersuut siulleq aaqqissuussinermik suleriaatsit marluk siunnersuutigineqarput: Siulleq danskit tunngaviusumik inatsisaata ataani aappaalu namminersulivereerutta suliarineqartussaq.

Siunnersuutip aappaa danskit tunngaviusumik inatsisaat malillugu, tassa namminersulivinnermik aallaaveqarani.

Atuaruk: Inatsisartut immikkut ittumik ataatsimiissapput

Pingajuallu namminersulereernerup kingunerani naalakkersuinikkut aaqqissuussinermik suliaqarnissamut siunnersuutaalluni.

Siunnersuut kingulleq Kalaallit Nunaata namminersulereeruna nunanik allanik akuleruffigineqarani suleqateqarsinnaanissaanik siunnersuutaalluni.

Inatsisartut siorna nalunaajaammik sanasoqassasoq aalajangiiffigereeraallu suliaq aallartinneqarpoq.