Skip to main content

Tunngaviusumik inatsisiliornissamut ataatsimiititaliaq Inatsisartunit suliaripallanneqartoq

Aalajangiinerit pingaarnerpaat ilaat ulluni pingasuni Inatsisartunit suliarineqassaaq

Inatsisartut ataatsimiinnerat ullumi nalunaaqutaq ataatsimut aallartippat Nunatta siunnissaanut pingaarutilik suliarineqassaaq. Naalakkersuinikkummi aaqqissuussinermi namminersulivinnissamut inatsit suliarineqassammat.

Isumaliuutissiut annertooq

Inatsisartuni ilaasortat 31-it 24 tiimit ataallugit quppernerit 100-t aalajangiinissaminnut tunngavissatik atuareersimasussaavaat.

Namminersornermut, Pinngortitamut, Avatangiisinut Nunaateqarnermullu naalakkersuisup Suka K. Frederiksenip (S) inatsisissamut siunnersuut suliaraa. Nunatsinnullu tamanna sunniuteqartorujuusussaavoq.

- Kalaallit Nunaani inuiaqatigiinnut inatsisissatut siunnersuut tunngaviusussaammat tamat oqartussaaqataanerannit aalajangiiffigineqarnissaa pingaaruteqarpoq. Inatsisartut akuersinermikkut naalakkersuisoq Isumalioqatigiissitamik ataatsimiititaliornissaanut pisinnaanngortissavaat.

Atuaruk: Inatsisartut immikkut ittumik ataatsimiissapput

Tallimanngornermit ataasinngornerup ullaakkuanut

'Inatsit tunngaviusussaq' ataasinngorpat aalajangiiffigineqassaaq.

Aalajangiinissamut najoqqutarineqartoq quppernernik 100-nik amerlassuseqartoq 'Nunatsinni tunngaviusumik inatsiseqalernissaanik siunnersuusiortussamik isumalioqatigiissitamik pilersitsinissaq' unnuaq agguaanneqarpoq. Inatsisartunilu ilaasortat piaartumik ataatsimiigiaqquneqarlutik.

Inatsisissatut siunnersuutigineqartup saniatigut Inatsisinut Ataatsimiititaliap siunnersuutigineqartoq suliarisussanngorpaat.

Inatsisissamik siunnersuut siullermeerneqarneranit aappassaaneerneqarnissaanut naliginnaasumik ullut pingasut ingerlasaraluarput. Tamannali maanna malinneqanngilaq.

Suliaq aalajangiiffigineqassaaq

Tunngaviusumik inatsisiliornissamut ataatsimiititarliornissamik suleriusissaq Inatsisartut aamma aalajangiiffigissavaat. Inatsisissamullu siunnersuummi suleriusissamut siunnersuutit aqqaniuliusut siunnersuutigineqarlutik. Naalakkersuisulli ataasiinnaaneraapput.

- Suleriusissaq siunnersuutigineqartoq Inatsisartut akuerissanerlugu aalajangiiffigisussaavaat. Siunnersuummi isumalioqatigigiissitamik ataatsimiititaliaq qanoq suleriuseqassanersoq eqqartorneqanngilaq. Siunissamilu qanoq iliuuseqartoqassasoq siunnersuutigineqassasoq eqqartorneqarluni.

Aalajangiinissamut najoqqutassiaq uani atuarneqarsinnaavoq

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER