Partii Naleraq
Enoksen Telemi pisortamut utoqqatserpoq
Per Rosing-Petersenip ilaasortaajunnaartinneqarnerata kingorna Partii Naleraq Tele-Postip pisortaaneranut utoqqatserpoq
- Partii Naleqqap anguniagarinngilaa inunnik ataasiakkaanik sulisunillu ataasiakkaanik malersuineq, Partii Naleqqap siulittaasua Hans Enoksen tusagassiuutinut allappoq.
Partii Naleqqap siulittaasuanit Hans Enoksenimit, Tele-Postip pisortaaneranut Kristian Reinert Davidsenimut utoqqatsissut taama niperpoq, KNR taama ilisimatitsivoq.
Anisitaasoq
Inatsisartunut ilaasortaq Per Rosing-Petersen suleqatigiinniarnermik ajornakusoortitsinerup kingunerisaanik ilaasortaajunnaarsinneqarnerata kingorna utoqqatserpoq.
Atuaruk: Partii Naleqqamit anisitaasoq
Per Rosing-Petersenip paragraf 37 naapertorlugu apeqquteqarnermini Tele-Postip pisortaanera, Savalimmiuni suliffeqarfimmik amigartoortitserujussuarsimasutut pasillerpaa - taassuma pasilliineq nammineq uppernarsaasinngilaa - naggataatigullu partiimit anisitaaneranik tamanna kinguneqarpoq.
Atuaruk: Telemi pisortaq amigartoortitsinermut pasilliutigineqarnini taamaateqquaa
Per Rosing-Petersen KNR-imut ilisimatitsivoq, maanna attaviitsutut Inatsisartuni ingerlaqqikkallarniarluni, aammalu oqaatigisimasani attatiinnalugit.
Atuaruk: Siulittaasoq: Rosing-Petersen attaviitsutut ingerlaqqissinnaavoq