KL

DK

Assit takukkit: Eqqaassutissaq inissaminut inissinneqartoq

Martsip 14-ani 1970-imi gassimik qaartoqarnerani ajunaartunut eqqaassutissaq martsimi ukioq manna napparneqartoq, kiisami inissaminut ullumi nuunneqarpoq. Attortinnarpoq oqiliallannarlunilu, anguniagaqartoq aaqqissuisorlu, Erla Vinther oqarpoq.

En mindesten om Blok 5's gaseksplosion blev i dag fredag flyttet til sin rette plads. Pladsen skal have grønlandsk flora rundt om sig, men en symbolsk rose blev lagt på mindestenen. - Kassaaluk Kristiansen
En mindesten om Blok 5's gaseksplosion blev i dag fredag flyttet til sin rette plads. Pladsen skal have grønlandsk flora rundt om sig, men en symbolsk rose blev lagt på mindestenen. - Kassaaluk Kristiansen
En mindesten om Blok 5's gaseksplosion blev i dag fredag flyttet til sin rette plads. Pladsen skal have grønlandsk flora rundt om sig, men en symbolsk rose blev lagt på mindestenen. - Kassaaluk Kristiansen
En mindesten om Blok 5's gaseksplosion blev i dag fredag flyttet til sin rette plads. Pladsen skal have grønlandsk flora rundt om sig, men en symbolsk rose blev lagt på mindestenen. - Kassaaluk Kristiansen
Kassaaluk Kristensen

Nuummi illoqarfiup qeqqani, blok 5-ip eqqaani, inuit ullaap tungaa anorsarillunilu qulisimasoq, katersuupput.

Eqqaassutissaq blok 5-ip eqqaaniittoq 4 miiterinik illuarneqarpoq, inissavimminut inissillugu. Eqqaassutissaq martsimi napparneqarmat, inissaa qerivallaarsimammat, ullumi aatsaat inissinneqarpoq.

- Killitsissimavunga, Erla Vinther oqarpoq.

Taassuma eqqaassutissamik nappaanissaq ukiuni arlalinni sulissutigisimavaa.

- Nuannaaqaanga, tulluusimaarlungalu. Suliallu naammassisup takutiinnarpaa, sunaluunniit ilungersunaraluarpat iluatsissinnaasoq, Erla Vinther oqarpoq.

Sven Thomsen, ujaqqerisoq, oqaluttuarpoq eqqaassutissap ilusilersornera ilungersunaannarsimanngitsoq, aammali nuannerluinnarsimasoq.

Piffissaq ineriartupiloorfiusoq

Ajutoornermut qanoq attuumassuteqarnini pillugu, Erla Vinther Sermitsiaq.AG-mut siusinnerusukkut oqarluttuarnikuuvoq.

Ajutoorneq pivoq Kalaallit Nunaata ineriartupiloornerata nalaani. Nunaqarfiit ilaat matuneqarsimapput, ilaqutariillu ilaat illoqarfinni blokkersuarni najugaqartinneqalerlutik.

Erla oqaluttuarpoq piffissami ajutoornerup nalaani kultoorit aporaanneri pigaluarpataluunniit, gassimik qaartoortoqarnerani ajunaartut pillugit eqqaaniaanissaq pingaaruteqarluinnartoq.

- Kalaallit Nunaata oqaluttuaanut ilaalluinnarpoq. Inuit pineqartut nunatsinnukarput inissialioriartorlutik, illerfimmili issimallutik angerlartinneqarlutik. Taamaammat isumaqarpunga eqqaaniaanissaq inissaminiittoq. Malunnartinneqartariaqarpoq, Erla Vinther oqaluttuarpoq.

Taassuma ilanngullugu oqaatigaa pisoq pillugu atuakkiornissani eqqarsaatersuutigalugu, maannali misissuineq ingerlakkallarlugu.

Tasiilami anorersuarnissaanik aarlerisaarut

DMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...

Snow Fest-imi iluatsilluartumi nutaaliorsinnaaneq nuannaarutigineqarpoq

Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...

kulturi nuuk
Powered by Labrador CMS