Skip to main content

Arktis Råd aamma appanut ernumavoq

Issittumi uummasoqassuseq naasoqassuserlu siullerpaamik nalunaarusiorneqarpoq. Appaqassuseq ilisimatuut ernumanartoqartippaat

Appat ikiliartupiloornerannut pissutaasinnaasut suli qallorneqarput. Pissutaasut arlallit inuit pilersitarigaat issittumi siunnersuisooqatigiit Arktisk Råd naliliipput, issittumi uumasoqassuseq naasoqassuserlu pillugit nalunaarusiarsuarmik saqqummiusseqqammerlutik.

Atuaruk: Eqqissisitsinissaq KNAPKp akerleraa

Pinngortitaleriffimmik ilisimasuut kisimiinngillat appaqassutsimut ernumasut. Ilisimatuut arlalissuit issittumi uumasoqassuseq naasoqassuserlu pillugit nalunaarusiaminni appaqassutsimut ernumaammerlutik aamma allapput.

Atuaruk: Ilisimatuut: Taamaattumik appat nungulerput

Nalunaarusiami appaqassuseq aamma tikinneqarpoq ukiut 70-it kingulliit ikiliartuinnavissimanerat ernumanartutut isigineqarluni. Appat ikiliartuinnavipput naak pisaasartut piniartullu ikiliartoraluartut. Taamaammat appat nungukkaluttualernerannut piniarneq kisimi pisuutinneqarsinnaanngitsoq naqissuserneqarpoq.

Atuaruk: Appat eqqissisitaalluinnarnissaat biologit inassutigaat

- Uuliasiorneq qalluinerlu nunarsuup ilaani tamaani ulorianartorsiortitsivoq nalunaarusiamilu inassutigineqarpoq sumiiffinni sunnertiasuni qalluisoqarnaversaartoqassasoq. Tamaanimi imaasuni uumasorpassuaqarpoq sikoqarlunilu ajutoortoqassappat saliinermik akornusiisinnaasumik taartumilu taama pisoqassappat saliiffigissallugu ajornakusoortorujussuussaalluni, Aarhusip Universitetiani siunnersortaaneq Hans Meltofte nalunaarusiarsuup 700-nik qupperneqartup suliarinerani ataqatigiissaarisoq oqarpoq.

Ilisimatusartut 253-it nunanit assigiinngitsunit 15-ineersut issittumi uumasoqassutsip naasoqassutsillu nalunaarusiarineqarnerani peqataapput taassumalu ukiuni arfinilinni suliarineqarnera Arktisk Rådimut 20 millioner koruuninik aningaasartuutaavoq.

Nalunaarusiaq tamarmi uani atuarneqarsinnaavoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER