Aasianni tunillatsittut sisamat - tuniluunerup pilerfia ilisimaneqanngilaq
Aasiaanni inoqutigiinnit ataatsinit sisamat covid-19-imik tunillatsisimasut ullumi marlunngornermi misissortinneranni paasineqarpoq. Tuniluunerup pilerfia oqartussaniit suli ilisimaneqanngilaq.
Aasianni inoqutigiinnit ataatsinit sisamat covid-19-imik tunillatsissimasut ullumi paasineqarpoq. Tunillatsissimasut Upernavimmi tuniluunnermut ilisimaneqartumut attuumassuteqanngillat. Innuttaasut tamarmik mianersoqqissaarnissaannik kaammattorneqartut, oqartussat tusagassiuutinut nalunaaruminni allapput.
Tuniluunnerup aallaavia suli ilisimaneqanngimmat tuniluunerup aallaavia paasiniarlugu politiit maanna misissuileruttorput. Naalakkersuisut pingasunngornermi nalunaaqutaq 13.00 tusagassiortunik katersortitsineranni coronavirusi pillugu killiffik saqqummiutissavaat.
Upernavimmi Tasiusamilu tunillatsissimasut aqqaneq-marluusut ullumi aamma paasineqarpoq. Upernavimmi sisamat tunillatsipput Tasiusamilu arfineq-pingasut.
Killilimmik angalaarneq
Innuttaasut tamarmik killilimmik angalaarnissaanik qanimullu attaveqarfigisat sapinngisamik ikittuinnaatinneqarnissaanik oqartussaniit kaammattorneqarput. Taassuma saniatigu covid-19-imut ersiuteqarsinnaaneq maluginiarneqaqquneqarpoq. Siunnersuutit eqqaamallugit:
- Ersiuteqaruit tunillatsissimasumilluunniit qanimut attaveqarsimaguit angerlarsimaannarit aamma misissortigit
- Assatit asakulakkit assannulluunniit sprit atoruk
- Talippit peqiffianut quersorit tangajorilluunniit
- Timikkut attaveqarnitit killilersimaakkit
- Eqqiaasarnissaq silaannarissaakulanissarlu eqqumaffigiuk - angerlarsimaffimmi, suliffimmi assigisaanilu
- Qanillinaveersaarit allallu mianersoqqullugit
Corona pillugu nittartagaq uani malinnaaffigiuk.