Skip to main content

Aalisartut qimaannarneqarsimasut akileraartartut akiliuttussanngorsinnaavaat

Aalisartut inuusuttut Høgh-Damip kilisaataannit Tasiilamut qimanneqartut angerlartinneqarnissaat akileraartartut akilertariaqalersinnaavaat.

Inuusuttut namminneerlutik angerlarsinnaanissaminnut qanoq akissaqartiginersut Kommuneqarfik Sermersuup maanna misissuiffigileruttorpaa.

- Inuusuttut taakku unnuk siulleq silami sinittariaqarsimapput. Taamaammat suliaq pinartutut suliaralugu inissaannik tunivagut, Tasiilami inunnik isumaginninnermi aqutsivimmi suliami siunnersorti, Kurt Rokholm Petersen Sermitsiaq.AG-mut ilisimatitsivoq.

Sukkasuumik sulisoqarpoq 

- Inatsisit atuuttut malillugit qanoq iliorsinnaanerput pillugu maanna misissuileruttorpugut, suliami siunnersorti ilisimatitsivoq, erseqqissaatigalugu itinerusumik oqaaseqarsinnaanani, suliat pillugit nipangiussisimasussaatitaanini pissutigalugu.

Kommuneqarfik Sermersuumi oqartussaqarfimmi pisortaq, Cecilie Victoria Schierbeck ilisimatitsivoq kommuni suliami ajornakusoortumi nalilersuisussanngortinneqarsimasoq.

- Soorunami kissaatiginngilarput inuit siumuinnaq aallarnissaminnut akiliisalissasut, naatsorsuutigalugulu uternissaminnut kommunimit akiliunneqassallutik, Suliffeqarnermut Isumaginninnermullu Aqutsisoqarfimmi pisortaq Sermitsiaq.Ag-mut oqarpoq.

Nalilersuingaatsiarneq

- Tamanna pissutigalugu inuit ataasiakkaat pineqartut ataasiakkaarlugit nalilersuiffigissavagut, paasiniarlugu inuit ataasiakkaat namminneerlutik angerlarnissaminnut akiliisinnaanersut. Suli qulakkiinngilarput inatsisitigut pisinnaatitaanerluta angerlarnissaannut akiliissalluta, Cecilie Victoria Schierbeck ilisimatitsivoq nassuerutigalugulu akiliussisariaqalissagunik taava akileraartartut taakkuussasut akiliussisut.

Suliami pineqartumi Boas Stephensen Sermitsiaq.AG-p attaveqarfigaa, taannalu nassuiaavoq aalisartut inuusuttut Qaqortuminngaanneersut kilisaammit “Narluneq”-mit Tasiilami niusinneqarsimasut.

LÆS OGSÅ: Høegh-Damip inuttai Tasiilami qimaannarneqartut
LÆS OGSÅ: Kilisaatip naalagaa: Inuusuttut taakkua sallupput

Kilisaat Iluliaq Seafoodimit pigineqarpoq, Kim Høegh-Damimit aqunneqartumit. Kilisaatip naalagaata, Simon Zachariassonip inuusuttut nassuiaanerat illuatungilerpaa, ilisimatitsissutigalugulu inuusuttut namminneerlutik niorusussimasut, kingornali peqqissimilersimallutik.

Suliat assigusut

- Aalisartoq inuusuttoq Nuumminngaanneersoq siornatigut angerlartillugu akiliuttariaqarsimavarput, taanna kilisaammit niusinneqarsimavoq akissaqarsimananilu. Tamanna pivoq decembarimi 2018-imi, Cecilie Victoria Schierbeck ilisimatitsivoq.

Sermitsiaq.AG-p paasivaa suliaq pineqartoq suliffeqarfimmut Kim Høegh-Damip pigisaanut aamma attuumassuteqartuusoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER