Skip to main content

Kilisaatip naalagaa: Inuusuttut taakkua sallupput

Angutit inuusuttut Tasiilami niusinneqartut maannalu ooriuteqanngitsut namminneq niujumasimapput. Taama kilisaatip "Narluneq"-up naalagaa Simon Zachariassen naqissusiivoq.

Angutit inuusuttut sisamat taakku kilisaatillu “Narluneq”-up naalagaa akisussaasuusup, Simon Zachariassen, akornanni oqaaserisaat akerleriipput, Sermitsiaq.AG-imiillu oqaloqatigineqarput.

Angutit inuusuttut sisamat taakku Sermitsiaq.AG-imut ilisimatitsisimapput kilisaammiit pinngitsaalisaallutik Tasiilamut niusitaasimallutik. Nassuiaaneq tamanna kilisaatip naalagaata ilumuunnginnerarluinnarpaa.

- Tussiussisup uannukarluni oqarfigimmanga niujumasut nassuiaappara tamanna nammineq akisussaaffigissagaat, Simon Zachariassen Sermitsiaq.AG-imut ilisimatitsivoq.

Aaneqaqqinnissaannik itigartitsisimasoq

- Peqqissimissappata aanianngikkikka ersarissumik erseqqissarpara. Arlaleriaq kilisaammut ikeqqikkusullutik sianerput, kisianni oqaluttuutereernikuuakka taama iliorniarnanga, kilisaatip naalagaa nassuiaavoq.

Inuttaasimasut sisamat pillugit allamik ilassutissaqarpallaanngilaq, isumaalu malillugit “sallupput” aamma “inupiluupput”.

Simon Zachariassen isumaqarpoq inuusuttut taakku illoqarfimminnut angerlarnissaminnut kommunimiit billetinnassinnaallutik eqqarsarsimasut.

Inorujuit

- Kilisaammi inuttaqarani aalisarfiunngilaq. Kisianni inorujuupput, Simon Zachariassen nassuiaavoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER