Oqaatsinik piumasaqaat
Siumut Ilisimartusafiup siulersuisuinut piumasaqarpoq
Partii alla Ilisimatusarfimmi pisortartaarnissamut atatillugu akuliuppoq. Pisortaq kalaallisut oqalussinnaasariaqartoq, Siumup piumasaraa
Ilisimatusarfimmi pisortartaassaq kalaallisut oqaaseqartuunissaa, Siumup piumasaraa.
Taamaasilluni Mimi Karlsenip (IA) Ilisimatusarfimmi pisortartaassaq kalaallisut oqalussinnaanissaanik siunnersuutaa partiip taperserpaa.
- Mimi Karlsenip Ilisimartusarfimmi pisortap kalaallisut oqaalussinnaasariaqarneranik piumasaqarluni siunnersuutaanut tapersiivugut. Kalaallisut oqaasilippassuaqarpoq qaffasissumik ilisimatusarnikkut naammassinnissimasunik ajukkunnanngilluinnartunillu, Vivian Motzfeldt Siumut sinnerlugu allappoq.
Atuaruk: Rektorimik nutaamik atorfinitsitsiniarnermut politikeri akuliuttoq
Oqallinneq peqqinnartoq
Universitetimi pisortassarsiornermi kalaallisut oqalussinnaanissaanik piumasaqaateqanngitsumik ujaasineq ilisimaarilluarlugu ingerlanneqartoq, siulersuisuni siulittaasoq Minik Rosing Sermitsiaq.AG-mut paasissutissiisimavoq.
Taamaattoq Siumut isumaqarpoq pisortaaninngortussap oqaatsit atorsinnaasai suussanersut oqallisigineqarnissaa pitsaasuusoq.
Atuaruk: Rosing oqaatsinut piumasaqaat pillugu: Suliamut tulluartumik piginnaasalik pingaarnerpaavoq
- Atorfik qaffasissumi inissisimavoq, taamaammat immitsinnut salliutittariaqarpugut piumarsaqarlutalu pisortaaneq oqaasitsinnik atuisinnaasariaqartoq. Tamanna inuiaqatigiinnut iluaqutaaginnassaaq.
- Nunaassaagut Ilisimatusarnikkut imminut pilersorsinnaaneq ilisimasanillu nunatsinni ataavartitsineq tunngavigalugit ingerlatsisut. Nunaassaagut nunanik tamalaanik suleqateqartut minnerunngitsumilli nunaassaagut oqaatsitsinnik inuusaatitsinnik naleqartitatsinnillu pingaartitsillutik tunngaveqarlutillu ingerlatsisut, Siumut oqarpoq.
Atuaruk: Demokraatit Olsvigimut: Mimi Karlsen inissinneqarli