kommunimut qinersineq
Siumumi politikeri Asiimut isorinnittoq: Ilatsiinnarpallaarputit
Jens-Erik Kirkegaardip kommunimut qinigassanngortittutp Kommuneqarfik Sermersuumi borgmesteri iluarinngilaa.
Kommuneqarfik Sermersuup borgmesteria, Asii Chemnitz Narup (IA) Nuummi mittarfiup allilerneqarnissaanut aningaasaliisussarsiornermi sanngiippallaarsimavoq.
Jens-Erik Kirkegaard (S), kommunimut qinigassanngortittut ilaat taama isumaqarpoq.
Atuaruk: Mittarfinnik alliliisoqarnissaq kommuneqarfiit marluk aallartipallakkusuppaat
Qaasuitsoq utaqqisimanngilaq
2009-imi Inuit Ataqatigiit Naalakkersuisuunerisa nalaanni Nuummi Ilulissanilu mittarfiit allilerneqarnissaannut sulissuteqarsimannginnerarlugit erseqqissaavoq.
- Qaasuitsup kommuniani kommunal bestyrelsit Ilulissani mittarfiup allilerneqarnissaanut aningaasaleeqataasussanik ujaasisimapput. Qaasuitsoq utaqqiinnaanngilaq, Jens-Erik Kirkegaard tusagassiuutinut taama nalunaaruteqarpoq.
Jens-Erik Kirkegaardip Asii Chemnitz Narupi sanngiippallaarnerarpaa nalunaarusiamilu 2007-imeersumi Nuummi Ilulissanilu mittarfiit allineqarsinnaanerat nunatta akilersimasinnaangaluaraa erseqqissaatingalugu.
Atuaruk: Siorarsiorfik – qineqqussaarnermi suliassaq pitsaavallaanngitsoq
Kommune sanngiippallaarsimasoq
- Sermersuup kommuniani bormesteri 2009-mili issiavimminiilerpoq.
Kommunalbestyrelsemut qineqqusaarnerit aallartikkaangata Sermersuumi borgmesterip aatsaat qanoq iliuseqalerniartarnini ilisarnaatigiinnalerpaa. Sanngiinneruallaaqaaq, Jens-Erik Kirkegaard taama tusagassiivoq.
Nagillunilu:
- 2013-mi qineqqusaarnerit aallartimmata kommune inissianik 800-nik sanaartortitsissasoq Asii Chemnitz Narupi oqarpoq, maannalu ukiut sisamat qaangiummata ataasinnguamilluunniit piariingaqarsimanngilaq.
- Massakkut qineqqusaarnermi aningaasaliisussanik ujaasinissamik ikiuukkusulluni. Suliniut qangali aallartereersimasussaangaluarput. Sanngiippallaqqaaq, kingusinaareerpoq, Jens-Erik Kirkegaard oqapoq.
Atuaruk: Nuummi illoqarfiup immikkoortortaavani imeq suminngaanniissava?