pilersaarusiaq
Nuummi illoqarfiup immikkoortortaavani imeq suminngaanniissava?
Aningaasartuutissat qaleriiaatiinnavipput: Nuummi illoqarfiup ilassaata nutaap imermik minguitsumik pilersorneqarnissaani minnerpaamik 40 million koruuninik aningaasaliisoqartariaqarpoq.
AG-mi kingullermi allaaseraarput erngup nukinga atorlugu nukiliorfiup allinissaa 3 milliard koruunit tungaannut akeqassasoq, Nuup 30.000-inik innuttaqartup nukimmik – kiammik sarfamillu pilersorneqarnissaa qulakkeerneqassappat.
Tassungali killeqanngilaq.
Kommuneqarfik Sermersuumi illoqarfimmik pilersaarusiortunut ilungersunassaaq qulakkiissallugu illoqarfiit pingaarnersaata siunissami qilalinnginnissaa. Imeqarfimmik nutaamik sanasoqatariaqarpoq Nuup kujataani Siorarsiorfimmi illoqarfiup ilassaanik nutaamik pilersitsisoqarpat.
Namminersorlutik Oqartussat nukissiornermut suliffeqarfiutaa Nukissiorfiit 2006-miilli nalunaarusiorsimavoq qulequtaqartumik »Siunissami Nuup imermik pilersorneqarnera«, nalunaarusiarli ukiunik qulinik pisoqaassuseqaraluartoq illoqarfiup ilassutissaatut isumaliutineqartumut atulereersimavoq.
- Siorarsiorfiup imermik minguitsumik pilersornissaanut marlunnik periarfissaqarpoq, nalunaarusiami allassimavoq.
Periuseq sorliugaluarpalluunniit akia taannaassaaq tassalu 40 million koruunit. Tassalu akit 2006-meertuusut maluginiaqquneqarpoq. Ullumikkut akisunerussajunnarsivoq.
Illoqarfiup immikkoortuani pilersaarutaasumi aningaasartuutissat pillugit AG-mi atuakkit: