Siorarsiorfik
Siorarsiorfimmik pilersaarut Siumup nuummi immikkoortortaqarfiata tapersorpaa
Naalakkersuisut siulittaasuata Kim Kielsenip (S) Nuummi suliniut pillugu isumaannakkut pilersaarutaaneraraa allaaserivaa - Nuummilu Siumup immikkoortoqarfiata pilersaarut taperserpaa.
Ataasinngormat Sermitsiaq.AG-p Naalakkersuisut siulittaasuata Kim Kielsenip (S) Nuummi suliniut pillugu isumaannakkut pilersaarutaaneraraa allaaserivaa.
- Suliniut piviusulersaartuunersoq ilisimaneqanngitsoq, Kim Kielsen Sermitsiaq.AG-mut ilaatigut allappoq.
Atuaruk: Kielsen Nuummi suliniut pillugu: Isumaannakkut pilersaarut
Siumut Nuuk pilersaarut tapersorpaa
Siumut siulittaasuata Siorarsiorfik oqaaseqarfigereermagu maanna Siumut/Atassut Nuuk illoqarfiup ineriartortinneqarnissaanut inissianik 1600-nik atuarfinnik, paaqqinnittarfinnik, suliffeqarfinnik, issittumik arsaattarfik aammalu sullorsualionissamik imalik, ataatsimoorussamik tapersiillutik allagaqarput
- Siorarsiorfimmut pilersaarut Kommunalbestyrelse tamarmiulluta tapersersugarput imatut nipilerneqassanngimmat avissaartuutsitsiniaanertut aamma kissaatiginngeqigatsigu tamatuma qineqqusaarutitut atorneqarnissaa, Kommuneqarfik Sermersuumi, Siumup immikkoortami siulittaasua, Ane Egede Mathæussen, allappoq. Oqariartuut Siumut Nuuk aamma Atassut Nuuk ataatsimoorussarivaat.
Atuaruk: Asii Kielsenip assuarliinera pillugu: Terlersorluni saassussineq
Pilersaarusiorneq pitsaanerusinnaavoq
Siorarsiorfik Nuup Kommuneqarallarmalli pilersaarutaavoq anguniarneqartariaqartoq, Ane Egede Mathæussen erseqqissaavoq.
- Pilersaarut pingaarpoq siunissamut ammaassisuummat tapersersussallugu. Aningaasaliinissamut soqutiginnittut tamarmik piareeriarpata pilersaarusiorluakkamik inaalititsilissapput soorlu imissaqarniarneq innaallagiaqarniarneq aqquserngit assigisaallu tamarmik inaarneqarluassallutik, Ane Egede Mathæussen oqarpoq.
Atuaruk: Nunatta oqaluttuarisaanerani inissianut pilersaarut annerpaaq
Kommunalbestyrelsemilu Siumup Atassutillu ilaasortaatitai pilersaarutip pitsaanerusinnaanera oqaatigaat.
- Suliniummi OPP atorlugu aningaasaleeriaaseq inuiaqatigiinnut aningaasarsiornikkut iluaqutaanissaa siunertarineqarmat pisariaqarpoq qaffasissumik poilikkikkut inissisimasut inerirtortitsinissamut nukissat atorluarlugit siunertaqartumik isummersoqataanissaat, Ane Egede Mathæussen oqarpoq.
Atuaruk: Kim Kielsen: Nuuk ineriartorsinnaavoq - akisussaaffeqartumik