Siorarsiorfik
Siorarsiorfik annerusumik oqaaseqarfigineqanngitsoq
Inuttut anguniakkat aamma partiit allat siunnersuutaannut tapersuisinnaanissamut sapiissuseqannginneq pissutigalugit, Naalakkersuisut Siorarsiorfimmik tapersersuinngitsut, Demokraatit siulittaasuat oqarpoq
Kommuneqarfik Sermersuumi borgmesteri, Asii Chemnitz Narup (IA) arlaleriarluni kingullermillu Aningaasaqarnikkut Ingerlatsineq pillugu Nalunaarusiap Inatsisartuni maajip 18-ianni oqallisigineqarnissaa sioqqullugu Naalakkersuisut Siorarsiorfimmut pilersaarummut tapersersuinissaannik ujartuivoq.
Kommuni aningaasaliinissanut atorniarsinnaassappat Naalakkersuisut aamma Inatsisartut tapersersuinissaat pisariaqartoq borgmesterip oqaatigaa.
Naalakkersuisulli Siorarsiorfimmut pilersaarutinut atatillugu maluginianngitsuugassaanngitsumik nipaapput, tamannami nalunaarusiami oqaatsimik ataatsimilluunniit taaneqarsimanngimmat.
Sermitsiaq taama allappoq.
Atuaruk: Kielsen Nuummi suliniut pillugu: Isumaannakkut pilersaarut
Inuttut anguniakkat
Tamanna Demokraatit siulittaasuata Randi V. Evaldsenip uggoraa, aamma sooq taamaattoqarneranut eqqoriaalluni.
- Oqallinnissaq pisariaqartinneqartoq Naalakkersuisut oqallisigerusunngimmassuk ajoraluarpoq. Illoqarfiit pingaarnersaannik nukittuumik pisariaqartitsivugut, piffissarlu ungasinnerusoq isigalugu piareersaasiorsinnaanissaq pisariaqarluni. Isumaqarpunga Naalakkersuisunit ernumanartinneqartoq tassaasoq Siorarsiorfimmut tapersersuissagunik, sinerissami qinersisartunit Nuummik pingaartitsinerusutut isigineqarnissartik, taanna Sermitsiamut oqarpoq.
Randi Vestergaard Evaldsen nangippoq:
- IA-p aamma Siumup qinersisartorpassui sinerissameersuupput, ajoraluartumillu inuttut anguniakkat maleruutiinnarnanilu iliuuseqarsinnaaneq suliniutinut ineriartornernik kinguneqarsinnaasunut unittoorutigineqartartut.
Allaaserisaq tamaat Sermitsiami atuaruk, taanna ullumi pisiniarfinni pisiarisinnaalerpat. Aviisi uani aamma pisiarinissaanut periarfissaqarputit: