Kujataa
Savaateqarneq ukiunik 100-nngortorsiussaaq aasamut
Savaatilik Qanisartuumeersoq, Niels Lund, Nunalerineq pillugu siunnersuisoqatigiinni siulittaasutut ingerlaqqippoq. Inuussutissarsiut aasamut ukiunik 100-nngortorsiorluni nalliuttorsiutigineqassaaq
Niels Lund, Qaqortup eqqaani Qanisartuuni savaatilik, aalisarnermut, piniarnermut nunalerinermullu naalakkersuisumit, Siumumeersumit Karl-Kristian Krusemit Nunalerineq pillugu siunnersuisoqatigiinni siulittaasussatut toqqarneqaqqippoq.
Taama Namminersorlutik Oqartussat tusagassiuutinut nalunaaruteqarput.
Namminersorlutik Oqartussanit nalunaarutigineqartut naapertorlugit Niels Lundip neriuutigaa Naalakkersuisut nutaat Nunalerineq pillugu ataatsimiititaliarsuup inassuteqaataat tigulluarumaaraat, ‘ineriartorneq pitsaanngitsoq pitsaap tungaanut sangutinneqassappat malunnaateqarluartumik iliuuseqartoqartariaqarmat’, tusagassiuutinut nalunaarummi taama allapput.
Atuaruk: Savaatillit uranitalinnik eqqaavissaq ernummatigaat
- Nunalerineq pillugu inatsisit tamakkiisut pisoqalivallaarsimapput taamaattumik Nunalerineq pillugu siunnersuisoqatigiit siulittaasuattut suliaq aallartissimasoq nuannaarutigaara, Niels Lund oqarpoq.
Niels Lund, Savaatillit Peqatigiit Suleqatigissuni aamma siulittaasuusoq, siunnersuisooqatigiit februuarip naalernerani Qaqortumi 35.-isssaanik ataatsimiinneranni oqaluttuaraa savaatilittut inuussutissarsiutip Kujataanut pisortatigoortumik eqqunneqarneraniit ukiut 100-nngortorsiornissaat aasaru nalliuttorsiuutigineqassasoq.
Assit takukkit: Savaatillit ukiumoortumik naapeqatigiinneranni pisorpassuit