Oqaatsut
Rodebay Fish qalerallit akiinit tatineqartoq
Oqaatsuni suliffeqarfiup tunisassiornini allanngortiterpaa, ukioq mannali avaleraasartoorniarnermut peqataanngitsoorluni
Royal Greenlandip aamma Halibut qalerallit akiinik unammissutiginninnerat akit qaffarujussuarnerannik kinguneqarsimavoq.
Tamanna aalisartunut pitsaasuuvoq, tunisassiornermilli suliffeqarfeeraq Oqaatsuniittoq Rodebay Fish ApS aalisakkanik suliffeqarfissuit tunisassiassalerngusaanneranni tatineqalersimalluni.
Atuaruk: Avaleraasartuut 20.000 tonsit annaaneqartut
Rodebay Fish qaallorissunik mamarluartunillu qullukkiortartutut ilisimaneqarpoq, maannali saarullinnik arfernillu panertunik nunatsinni tunisassanik tunisassiornermut nuukkiartulerluni.
Akit marloriaatinngortut
– Qalerallit aalisartunut 10-12 koruunilerlugit pisiarisaraluarpavut, Ilulissanili akitigut unamminerup kinguneranik kiilumut akit tatatineqarlutik 22-25 koruuninngorsimapput, taamaalillutalu qullukkanik akilersinnaasumik tunisassiorsinnaajunnaarsimalluta, Rodebay Fish ApS-ip siulittaasua, Peter Magnussen, Sermitsiamut oqarpoq.
Atuaruk: Ingerlatseqatigiiffiit arfinillit avaleraasartoorniarnissamut makitaapput
Suliffeqarfiup iliuusaa nutaaq Sermitsiami atuaruk. Aviisi uani ataani pisiarinissaanut aamma periarfissaqarputit: