fiskeri
Avaleraasartuut 20.000 tonsit annaaneqartut
Suliffeqarfiit sisamat makitsinermi ajugaapput, nunattali kangiani aalisarniunnermi ajorsarlutik
Suliffeqarfiit arfinillit nammineq aalisariutaateqanngitsut, maajip 31-iani makitsinermi nunatta kangiani 5.000 tonsinik avaleraasartoortassinneqaramik nuannaarput.
Ullumikkulli suliffeqarfiit sisamat nunani allamiut aalisariutaannik pisassaminik aalisartussanik siulliunniunnermi ajorsarnertik nassuerutigisariaqarpaat.
Millionerpassuit pissarsiarinngitsooraat
Suliffeqarfiit sisamat ukioq manna avaleraasartoorniarnermi angumersisinnaanngitsut tassaapput Arsuk Food ApS, Kitaa Seafood ApS, Lilleholm Food ApS kiisalu Rodebay Fish ApS.
Tamanna suliffeqarfinnut katillugit 20.000 tonsinik avaleraasartoorniarsinnaagaluartunut pitsaanngilaq, soorluttaaq tamanna aamma nunatta karsianut, avaleraasartuunut akitsuummik 30 million koruuninik annaasaqartussamut pitsaanngitsuusoq.
Atuaruk: Avaleraasartuunut politikki iluatsinngitsoortoq
Suliffeqarfiit marluk namminerisaminnik aalisariuteqanngitsut, nunani allaneersunit aalisariutinik attartugassarsisutuat tassaapput Malik Seafood ApS kiisalu Sermilik Seafood ApS.
Atuaruk: Avaleraasartoortassat maanna agguaanneqavipput
Allaaserisaq tamaat Sermitsiami uani sapaatip-akunnerani saqqummertumi atuaruk, taanna uani aamma pisiarisinnaavat: