avaleraasartoorniarneq

Ingerlatseqatigiiffiit arfinillit avaleraasartoorniarnissamut makitaapput

Avaleraasartoortassanut 5.000 tonsinut pisassinneqarnissamut periarfissaq 50 procentiuvoq

Aalisakkanut pisassiissutinut qinnuteqaatit siornatigut quiasaarutigalugu lottop allagartaatut oqaatigineqartarput.

Ullumikkullu tamanna taamaattutut oqaatigineqarsinnaavoq.

Ingerlatseqatigiiffiit aqqaneq-marluusut tamarmik nammineerlutik aalisariuteqanngitsut, Tunumi avaleraasartuunut pisassiissutinut arfinilinnut 5.000 tonsinik pisassaqartunut makitsinermut ataasinngornermi peqataapput.

Atuaruk: Naalakkersuisut avaleraasartuunik 85.000 tonsinik pisasseeqqipput

Piumasaqaatit naammassigaat
Taakku ingerlatseqatigiiffiit aqqaneq-marluusut Namminersorlutik Oqartussat pisassiissutinik tunisinissaannut piumasaqaatit naammassivaat - tamannalu tunngavigalugu ingerlatseqatigiffiit makitsisoqarneratigut pisassinneqarput.

Taamatullu ingerlatseqatigiiffiit januaarip aallaqqaataa nallertinnagu pilersinneqareersimasussaapput, aalisarnermillu imaluunniit aalisakkanik tunisassiornermik qangalili ingerlatsisuussallutik.

Tunumi avaleraasartoortassaat ukioq manna 85.000 tonsiupput, taakkunannga 30.000 tonsit suliffeqarfinnut namminneq aalisariuteqanngitsunut tunniunneqarput.

Ingerlatseqatigiiffiit uku makinneqarput

  • Arsuk Food ApS
  • Kitaa Seafood ApS,
  • Lilleholm Food ApS
  • Malik Seafood ApS
  • Sermilik ApS
  • Rodebay Fish ApS

Uku pissarsinngitsoorput
Suliffeqarfiit uku pisassiissutinik pissarsinngillat:

  • Arctic Raven ApS
  • Avannaa Seafood ApS
  • Fiskeriselskabet 66.56 North ApS
  • Greenland Fish & Offshore ApS
  • Greenland Pelagic Fisheries ApS
  • Niisa Trawl ApS
Powered by Labrador CMS