RAL-ip aalajangiineranut Siumut nuannaarutiginnittoq

Sermitsiaq.AG-ip sisamanngormat allaasereriigaatut, Royal Arctic Linep Aalborg Havnimik isumaqatigiissutini 2019-imi taamatinniarlugu aalajangerpoq.

Taamaalilluni isumaqatigiissut atorunnaarpat, umiarsuaateqarfiup Aalborgip umiarsualivia aallaavittut atorunnaassavaa.

Siumup Inatsisartunut ilaasortaatitaasa umiarsuaateqarfiup aalajangernera naammagisimaarpaat, nunanullu allanut pitsaanerusumik niueqateqarnerulernissamut qilanaarput.

Atuaruk: RAL-ip Aalborgimi umiarsualivimmik suleqateqarnini taamaatippaa

Neriulluarneq annertooq
Aalborgip umiarsualivianik isumaqatigiissut qaangiuppat, avammut niuernermut aamma eqqussuinermut tunngatillugu nunarsuarmioqatitsinnik niueqateqarneq sukkanermik ajornaannermillu pisinnaassasoq, partiip naatsorsuutigigaa, Siumut tusagassiuutinut nalunaarummi allappoq.

Atuaruk: RAL: Kalaallit Nunaannut pitsaanerpaasussamik iliussaagut

- Periarfissat pitsaasut takusinnaavagut, naatsorsuutigalugulu nassiussat avataaniit avammullu akulikinnermik ingerlanneqartalernissaat assartuussinerlu akikinneq avammut nioqqutissiortunik iluaqutaasumik, taamaasilluni Kalaallit Nunaanni aamma atuisunut, Siumut sinnerlugu, Jens Erik Kirkegaard allappoq.

Partiip aamma neriuutigaa, RAL-ip kiffartuussaanut avammut niuertunut nioqqutissat Kalaallit Nunaanni suliareqqaarneqarnerulernerat kingunerissagaa, kingornalu nunarsuup sinneranut nassiukkuminarnerulernissaat.

Atuaruk: Royal Arctic Line: Kisermaassiunnaarneq akikinnerulersitsissaaq