nassiussat
Royal Arctic Line: Kisermaassiunnaarneq akikinnerulersitsissaaq
RAL-ip pisortaata nutaap ingerlatseqatigiiffiup nassiussanik kisermaassineranut taamaatitsinissamut piareerluni nalunaaruteqarpoq
Kalaallit Nunaata nassiussanik suliaqarneranik kisermaassinermik taamaatitsisoqarneratigut sipaarniarnissanut periarfissaasinnaasunik takusinnaalluni, Verner Hammeken, suli RAL-imi pisortaq nutaajusoq oqarpoq.
Shipping Watch taama allappoq.
Shipping Watchimi atuaruk: Royal Arctic Line klar til brud med historisk monopol på Grønland
Nassiussineq akikinnerusoq
Qallunaat nutaarsiassaqartitsiviannut kisermaassineq pisariaqarnersoq apeqqusiilluni oqarpoq.
- Suliffeqarfittut naalagaaffimmit pigineqartutut iluatsitsilluarnissamik aalajangiussassatuarput tassaavoq, Kalaallit Nunaannit avammullu angallassinermi aningaasartuutit annikillinissaannut peqataanissarput, Verner Hammeken oqarpoq, taanna nassiussarsialerisunik amerlanerusunik peqalernissaanut sassaqqaarpoq.
Suli akimmiffeqartoq
Sermitsiaq.AG-p maajimi allaaseraa, RAL aamma Islandermiut Eimskip suleqatigiinnerat nutaaq, ilaatigut umiarsuarnik nutaanik pisinissamik siunertaqartoq.
Atuaruk: RAL-ip Eimskip umiarsuit nutaat pillugit suleqatigaa
Suleqatigiinnissamut isumaqatigiissut naammassisaq Namminersorlutik Oqartussanit aamma Islandip EU-llu unammilleqatigiinnermut oqartussaaffianit akuerineqanngilaq.