Oqaatsit
Qallunaat pisortat saqquminersaasut
Hans Enoksenip 00-ikkunni oqaatsinut politikkerisani taamaatiinnarneqarmat ajoraa
Hans Enoksenip 2002-09-mut naalakkersuisunut siulittaasuunermi nalaani Namminersornerullutik Oqartussat pisortaqarfiini (ullutsinni naalakkersuisoqarfinni) pisortatut atorfiit tamarmik aamma Namminersornerullutik Oqartussat suliffeqarfiutaanni siulersuisut amerlanersaat kalaallinit inuttalersorneqarnerat anguaa.
Naalakkersuisoqarfinni pisortatut atorfinni quliusunit arfineq-pingasut maanna qallunaanit tigummineqarput.
Atuaruk: Naalakkersuisoqarfinni pisortaalersussat marluk ukuupput
Aningaasat amerlavallaartut atorneqartut
– Ullutsinni killormut ingerlatsisoqarnera uggornaqaaq, Hans Enoksen Sermitsiamut oqarpoq.
– Tikisitavut Nunatsinnit aallaqqikkaangata misilittakkat maangaannartarput ilisimalikkallu katersorneqartut asuliinnartarlutik. Tikisitat ukiuni arlaqanngitsuinnarni maaneeriarlutik aallaqqittartut ilinniartinnerinut aningaasanik amerlavallaartunik atuisarpugut.
Atuaruk: Partii Naleraq: Transparency qallunaanuinnaanerpa?
Pilersaarusiortoqarnissaanik ujartuisoq
– Kalaallit salliutinneqarnissaat anguniarlugu qanoq iliussaagut?
– Ajornartorsiut qaangerniarlugu suliassamut pilersaarusiortariaqarpugut. Nunaqavissut aamma atortariaqarpavut taamaalillutimmi aamma misilittagaqalissammata. Kilisaatini inuttat matumani assersuutissaqqipput, nunaqavissunimmi atuinani tikisitanik inuttassarsiortoqartarmat, Hans Enoksen oqarpoq.
Partii Naleraq Inatsisartunut siunnersuuteqareerpoq, taannali upernaakkut ataatsimiinnissamut kinguartinneqarluni.
Atuaruk: Lektori: Danskit Kalaallit Nunaat pimoorunneruttariaqarpaat
Sermitsiami saqqummrtumi kingullermi allaaserisaq tamaat atuaruk, taanna uani pisiarisinnaavat: