meeqqanik ussassaarisartut
Politiit: "Meeqqanik ussassaarisartut suliarineqarnerat naliginnaasuunngilaq"
Sapaatip akunnerata siuliani meeqqanik ussassaarisartut 3. klassemi atuartunik annilaartitsisimaneranni Nuummi politiit suliami suli paasissutissanik amingaateqarput.
Tamanna pissutigalugu politiit innuttaasut paasissutissaasinnaasunik peqarsinnaasut suliamut qaqutigoortumut naammassisaqarumallutik tusagaqarusupput.
Atuaruk: Meeqqat annilaartinneqartut: Meeqqanik ussassaarisoqartoq
- Innuttaasutut nalunngisaqaruit, 70 14 48-mut sianerit. Suliaq taama ittoq qaqutigoortuuvoq. Naliginnaasuunngilluinnarpoq, Kommuneqarfik Sermersuumi politiit pisortaat, Pavia Kleist, Sermitsiaq.AG-mut oqarpoq.
Suliaq politiinit pimoorullugu suliarineqarput, taamakkaluartoq meeqqat angajoqqaavisa politiinut unnerluussinerat kisiat paasissutissaatigaat.
- Suliamut assigiinngitsunik eqqarsaatersorsimavugut, biili taartoq meeqqanik ussassaarisartut atorsimagaat meeqqat paasissutissiarisimasaat aallupparput, Pavia Kleist oqarpoq.
Aamma pisariaqalersinnaavoq meeqqat arfineq pingasuniik qulingiluat tikillugit ukiullit oqaloqatiginissaannik eqqarsarneq.
Apersuisinermi videoliorutit pinaveersaartikkusukkaat
- Meeqqat ukiukitsut apersorneqarneranni videoliorutit atorneqartussaapput. Taamaakkaluartoq videoliorutit apersuinermi atorusunngilagut meeqqammi taama misigisaqartikkusunngilagut. Taamaaliornermi meeqqanut kingunerlutsitsisinnaavoq, Pavia Kleist nassuiaateqarpoq.
Atuaruk: Meeqqanik ussiiniartoqarnera Sermersuup ilungersunarnerarpaa
Politiit suliamut qanoq paasiniaanermik ingerlatsinerat taassuma paasissutissiarerusunngilaa, tassani atuarfeqarfiit kommuneqarfillu pisumut qisuariaateqarsimapput.