Aqutsineq
Pisiniarnerit itigartinneqartassasut
Kommuneqarfik Sermersooq sipaarniarnermut atatillugu pisiniartarnermut malittarisassanik nutaanik atuutilersitsivoq
Kommuneqarfik Sermersuumi aningaasaqarnikkut unammillernartut toqqaannartumik kingunerisaannik ulluinnarni aqutsisoqatigiit aningaasaqarnikkut aqutsineq sukateriffigaat.
Kommunimi aningaasaqarnikkut ajornartorsiutit maani atuakkit.
Siunissami pisiniarnerit tamarmik 10.000 koruuninik nalillit pisortamit akuerineqaqqaartassapput. Tamanna kommunip nittartagaani tusagassiorfinnut nalunaarummi atuarneqarsinnaavoq.
Sulisut sulianut ingerlassimanngisaminnut aningaasarsiaqarsimanerannut tunngasoq maani atuaruk.
Aningaasaqarnermut pisortap Lars Møller-Sørensenip taama suliniuteqarneq sulisunik tatiginnikkunnnaarnertut paasineqassanngitsoq erseqqissaatigaa.
- Aaqqissuussaanermut taama angitigisumut imaaliallaannaq ileqqut sungiusimaannarneqalersimasut pisarput. Taamaammat isumaqarpugut piffissanngortoq aqutsisoqatigiit misisuataartariaqaleraat anginerulaartunik pisiniartarnigut ilumut pissusissamisoornersut, Lars Møller-Sørensen oqarpoq.
Ilutigalugu naqissuserpaa pisortap akuerseqqaartalernissaanut siunertaasoq sipaarniarneq. Taamaammat pisiniarnerigaluit ilaat itigartinneqartassapput.