Nuummi biilertunut akiligassiinerit 36-t

Biilinik angallannerit Nuummi politiit kingullertigut eqqumaffiginiarpaat, biilinik ajutoortoqangaatsiartarmat.

Politiit maannamut angallannermi tunngasunik katillugit 36-nik akiligasseereersimasullutik Facebookimi paasissutissiipput.

• Biilertut arfinillit akiligassinneqarput oqarasuaammik angallattakkamik oqaluussinertik pillugu.
• Biilertut arfineq-pingasut akiligassinneqarput, angallannermi qulleq aappaluttukkut ingerlasimanerat pillugu.
• Biilertut aqqanillit akiligassinneqarput, biiliisa saavini qulliit ajoquteqarnerat pissutaalluni.
• Biilertut aqqanillit akiligassinneqarput, biilit qulliisa qanittorsiutaat ajornerat pissutaalluni.

Atuaruk: Ilulissani aqqusinikkut angallanneq nakkutiginerulerlugu

Biilernermik allagaqartaqanngitsoq

• Aammattaaq allat allanneqarput angallannermi inatsisinik unioqqutitsinerit pillugit:
• meeraq pingasut inorlugit ukiulik, iluamik qitequtilerneqarsimanngitsoq,
• biilernermut allagartaq nassarnagu biilernerit
• biilernermut allagartaqaratik biilernerit (biileqqusaanngitsut)

Atuaruk: Aqqusinermi angallannermi unioqqutitsinerit Nuuk Politiinit tupaallaatigineqarpoq