Nuuk
Aqqusinermi angallannermi unioqqutitsinerit Nuuk Politiinit tupaallaatigineqarpoq
Nuummi Politiinit ajuusaarutigineqarpoq aqqusinermi angallannermi taama amerlatigisunik unioqqutitsisoqartarmat. Aqqusinermi angallannermi nakkutiginninnermi nalunaarsuinerit takukkit
Nuummi Politiit qaammammi uani marloriarlutik Nuummi aqqusinerni angallannerit marloriarlutik nakkutiginnipput, tassani meeqqat ilaasorineqartut nakkutigeqqissaarneqarput, kiisalu aqqusinermi malittarisassat aamma ilumut malinneqarnersut annertusisamik nakkutigineqarluni.
Politiit aqqusinermi nakkutiginninnerminni suliffeqarfiit atuarfiillu eqqaanni ilaatigut nakkutilliipput. Angajoqqaat qanoq meeraat isumannaarneqartassanersut siunersorneqarput. Nakkutiginninnermili tulliuttumi meeqqanut ilaasorineqartunut isumannaarneqanngitsut 16-it akiligassinneqarput, meeqqamut ataatsimut 500 koruunimik naleqarluni.
Inatsisit ima unioqqutinneqarput
- Aqqusinermi angallannermi assigiinngitsunik unioqqutitsisoqarpoq, 92-inik akiligassiisoqarluni. Aquttut 52-it isumannaallisaateqanngitsut akiligassinneqarput, uppernarsaammik nassanngitsoortut 17-it, oqarasuaatikkut oqaluttut qulingiluat, inissiinermi unioqqutitsinerit, biilit isumannaarneqanngitsut, aappaluttumi ingerlanerit, nunatsinnut uppernarsaat nuutsinneqarsimannginera, imigassartorsimatilluni aqunnermi ajutoorneq, uppernarsaateqaratik biilertut, biilini ilaasut amerlavallaartut, kiisalu uppernarsaat akuerisaanngitsumik biilinik ingerlatsinerit ilaatigut unioqqutitsiffiupput, politii Pernille Gade Hansen allappoq.
Tupaallaatigineqartoq
- Unioqqutitsinerit taama amerlatigineri tupaallannarpoq, naak politiinit nalunaarutigineqareeraluartoq ulluni sorlerni nakkutilliisoqartussaasoq, taamaakkaluartorli unioqqutitsinerit amerlapput, Pernille Gade Hansen ilaatigut allappoq.
Aqqusinermi angallannermi ukiup ingerlanerani nakkutilleeqqittoqarumaartoq nalunaarutigineqarpoq.