Sisimiuni Bike and Run

Illoqarfinni Bike & Run'imik ingerlatsinerni Sisimiut anguneqarpoq. Unammineq ingerlanneqarpoq sisamanngornermi unnukkut nal. 18.00. Unammineq Elite Sport Greenlandimit aaqqissuunneqarpoq, Kalaallit Nunaanni timersornikkut takornartaanerusumik ingerlatsineq, Claus Nielsen aaqqissuusseqataasoq oqaluttuarpoq.

Bike & Run, Ilulissani, Qaqortumi aamma Nuummi ingerlanneqartareerpoq.

Nuummi Bike & Run pillugu atuarit Martin Møller kingumut ajugaaqqippoq

Ilulissani ingerlanneqarmat holdit 16-it peqataapput: Ilulissani Bike and Run

Qaqotumi ingerlanneqarmat holdit 13-it peqatapput: Arpanneq nutaaq aallartilluartoq

Sisimiuni holdit 13-it peqataapput holdit amerlanerit arnaallutik arnammi holdii arfineq-pingasuupput angutit holdii tallimat aallartinnermi peqataapput.

Tele-Postip silataani aallartillutillu apupput.

Ilulissanisuulli aqqummik allaanerusumik pilersitsisoqarsimavoq ulluinnarni Sisimiuni atorneqarpiarneq ajortumik. Arpaffissaq imaannaanngitsoq Sisimiuni arpattartoqatigiit Ralak'ip aaqqissuussimavaa, arpannerullu ullua sakkortuumik siallerpoq anorlerlunilu.

- Peqataasut tamarmik aqqutertik aammali aaqqissuussineq nuannaarutigaat unamminerup allaanerunera pissutigalugu, Claus Nielsen oqaluttuarpoq.

- Marlukkaarluni arpallunilu sikkilerneq assorsuaq misigisaavoq nuannersoq, peqatasut ilaat oqarpoq.

Allat oqarpoq: "Peqataalluni misigisaq nuanneq." Aamma "tamaat ingerlaffigisimallugu tanngassimaarnaq".

Arnani ajugaasuupput Team Sports Girls, Ulunnguaq Rosbach aamma Malu Petrussen.

Angutini ajugaasuullutik Team Ralak, Niels ”Dudu” Berthelsen aamma Norsaq Olsen.

Akissarsiassat Evelyn Frederiksen Grønlandsbankimeersumit tunniunneqarput, Claus Nielsen ilisimatitsivoq.