Niviaq Korneliussen Amerikamiut tusagassiuteqarfianni allaaserineqartoq

Niviaq Korneliussenip 2014-imi atuakkiaa 'Homo Sapienne' saqqummersinneqarmat nunatsinni Danmarkimilu tigulluarneqarpoq.

Atuakkiortorli inuusuttoq amerikarmiut tusagassiuteqarfianit 'The New Yorker' allaaserineqarpoq, naak atuakkiaani immikkoortoq ataasiinnaq tuluttut allaqqangaluartoq.

Inuusuttoq atuakkiortoq suiaaqatiminoortoq qulequtaralugu (The young queer writer who became Greenland's unlikely literary star) Niviaq Korneliussen allaaserineqarpoq.

Atuaruk: Niviaq Korneliussen 75.000 koruuninik nersornaaserneqarpoq

Inuusuit nutaat

Allaaserinnittup nunatsinni Danmarkimilu Niviap atuakkiaataa tunilluarneqarsimanera maluginiarsimavaa, Korneliussenili 27-nik ukiulik nunatsinni atuakkiortut kinguaariit nikinneranni tigulluarneqarsimasoq allaaseralugu.

Skype aqqutigalugu The New Yorkerip tusagassiortuata Niviaq Korneliusseni oqaloqatigisimavaa, Nanortalimmilu suiaqatiminoortutut peroriartornera ilaatigut oqaluttuaralugu.

Atuaruk: Politikens Litteraturpris Niviaq Korneliussenip pinngilaa

- Suiaaqatinnoortuugama allaanerusutut misigisimavunga. Ilumoornersoq nalusimavara isertuussimallugulu, tusagassiuteqarfimmut taama oqarpoq.

'Ilisarisimagaannga puiorpara'

Politikensip atuakkialerisua Jes Stein Pederseni atuakkiamik taama ittumik inuusuttup atuakkiaanik allamik atuarsimanani The New Yorkerimit apersorneqarami oqaluttuaraa

Atuaruk: Niviaq Korneliussen: Allakkunnaarneq ajulerpunga

Allaaserisap naggataani Kalaallit Nunaani 'atuakkiullammak' uterfigaa.

- Kalaallit Nunaanni tusaamasatut misigisimanngilanga, Niviaq Korneliussen oqarpoq

- Ilisarisimaneqarlunga puigortarpara.