Nick Nielsen: USA Pituffimmik atuinerminut akiliuteqartariaqalerpoq

Pituffimmi amerikamiut sakkutooqarfiata sullinneqanerani USA-p suleqatissanik aalajangiussaqarnera pillugu nunatsinni Danmarkimilu qaammatini kingullerni oqallinnerit aallaavigalugit Siumut sinnerlugu Folketingimi ilaasortaq, Nick Nielsen, piumasaqarpoq Igalikumi isumaqatigiissut nutaamik isumaqatigiinniutigineqartariaqalersoq.

Tamatumani siunertarivaa nunatta USA-mut nunamik sakkutooqarnermi atugassamik atortitsinerani, siunissami sullissinermik aallaaveqartumik akiliuteqartoqarani, allatut isertitsiffiulernissaa anguniarneqarnissaa.

Det sker med henblik på fremover at opnå kompensation til Grønland for USA's brug af landet til militære formål på en anden måde end gennem serviceaftale og lignende.

- Ilisimatusarnermi takutinneqareerpoq USA nunani allani nunamik atuisarnermini naalagaaffinnut atorfigisaminut toqqaannartunik akiliuteqartartoq.

- Takkua saniatigut ilisimaneqarpoq USA-p ukiuni arlalinni Afghanistanimi sakkutooqarnermi suliaqarnerminut atasumik Kirgisistan ukiumut 60 millioner dollarsinik sakkutooqarfimmik atuinermini akiliuteqarfigisarsimagaa, Nick Nielsen oqarpoq.

Atuaruk: Taasineq: Kiffartuussinissamik isumaqatigiissut Naalagaaffeqatigiinnermut utertinneqassaaq

Atuaruk: USA-p Danmarkillu naalakkersuisuisa Kalaallit Nunaat sumiginnarpaat

Igalikumi isumaqatigiissut nutartertikkusuppaa
Nick Nielsenip aamma piumasaraa Igalikumi isumaqatigiissutip nutarterneqarnissaa, isumaqarami taamaaliornissamut piffissanngortoq nunatta toqqaannartumik isertitaqartalernissaa qulakkerneqarsinnaaqqulllugu.

- Pituffimmi sakkutooqarfik USA-p Kangiani Qiterlermi sorsunnerani atorneqarpoq, immaqalu allaat Kirgisistanimi sakkutooqarfimmit pingaaruteqarnerusumik. Tassami Pituffimmi sakkutooqarfik matuneqarsinnaanngilaq nuunneqarsinnaananiluunniit USA-p kilitsissiaqarfiinut, sorsunnerinut nunallu illersornissaanut angisuunik ilungersunartunillu kinguneqanngitsumik. Taamaammat minnerpaamik, assersuutigalugu Kirgisistanimi sakkutooqarfimmik atortitsinerminiit pissarsiarisarsimasaatut amerlatigisunik akilerneqartariaqarpugut.

- Piviusut atuutilersut aatsaat akuerissavagut, aningaasarsiornikkut piumasaqaativut pissusissamisoortut USA-p akuerisinnaappagit. Igalikumimi isumaqagiissutip sullissinermilu isumaqatigiissutit takutereerpaat sumilluunniit isumannaatsumik inissisimasinnaanerput naatsorsuutigisinnaanngikkipput, taamatut ‘akiliuteqartarneq’
ingerlanneqartartillugu, Nick Nielsen taama isummersorpoq.

Pituffik pillugu allaaserisat allat uani atuakkit