pinngitsaaliineq
Meeqqat illersuisuat: Meeqqat kanngutsaattuiliortartut aamma ikiorneqartariaqarput
Meeqqanut illersuisup meeqqanut kinguaassiutitigut pinerluuteqarsimasutut taakkartorneqartunut erngumanini ersersippaa
- Niviarsiaqqat ukiukitsut nukappiaqqanit ukioqatiminnit peqqarniitsumik pingitsaalineqarsimasut atuarlugu annernerpoq. Qamuuna neriuutigaara niviarsiaqqat ilaqutaallu pissusissamisoortumik ikiorneqarumaartut.
Meeqqat illersuisuat Aviâja Egede Lynge, Tasiilap aamma Upernaviup eqqaani nunaqarfinni suliat pillugit taama oqarpoq, tassani nukappiaqqat ukiukitsut peqqarniitsumik kinguaassiuutitigut kanngutsaattuliortutut pinngitsaaliinermik pasineqarput.
Atuaruk: Ukiukitsut ingasattumik pinngitsaaliinermut pasineqartut
Pasineqartut ikiorneqarlik
Nukappiaqqat pasineqartut ikiorneqartariaqartut aamma taanna isumaqarpoq.
Inuiaqatigiit kanngutsaattuliortartut kingunerisartagaallu, ersarissumik isummerfigisariaqaraat Aviâja Egede Lynge erseqqissaavoq.
- Kinguaassiutitigut pinerluffigineqarsimasut, ingammik meeqqat, sakkortuumillu kanngutsaattuliorfigineqarsimanermikkut inuunermik sinneranut kingunerlutitsisinnaasut ikiorneqartariaqarput, taanna oqarpoq.
Sermersooq iliuuseqarpoq
- Taamatuttaaq meeqqat kanngutsaattuliortartut katsorsarneqarnissaat pisariaqarpoq, kanngutsaattuliortarneq siunissami inoqatiminnut ingerlateqqiinnaqqunagu. Tamanna nuna tamakkerlugu atuuttariaqarpoq kinguaassiutitigut pinerlunnerni meeqqat akuuffigisaanni, meeqqat illersuisuat taama oqarpoq.
Taasiilami nunaqarfiani pisoq pillugu kommunimi suliaq ingerlanneqartoq, Kommuneqarfik Sermersooq ilisimatitsivoq.
Atuaruk: Sermersooq suliamik asuliunngitsumik suliaqarpoq