Aappaluttoq
Maannakkut sulisut tamarmik suliffeqarfimmi piginnittuulersut ataanni suliinnassapput
True North Gems aatsitassarsiornissamik piareersaalermat LNS Greenlandip aamma atorfinitsitarai, LNS Greenland Gemsimi pisortamut tullersorti Jens B. Frederiksen oqarpoq
Sapaatip-akunnerani qaangiuttumi ilaatigut inuussutissarsiornermut suliffeqarnermullu Naalakkersuisup Vittus Qujaukitsup, borgmesterip Asii Chemnitz Narupip LNS Greenland Gemsimilu pisortamut tullersortip Jens B. Frederiksenip siusinnerusukkut True North Gems Greenlandimik IBA-mik isumaqatigiissutaasimasumut ilassut atsiorpaat, taamaalilluni ingerlaqqissinnaalluni.
Atsioqataasut nuannaarutigaat aatsitassarsiulernissaq maanna qulakkeerneqarmat.
Atsiornikkut LNS Greenlandip sanaartornerup inaarsarnera rubinillu siulliit safirillu avammut tunineqarnissaannut tunisassiornissap piareersarnera ingerlateqqissinnaavai.
Atuaruk: Rubinisiorfimmut isumaqatigiissut nutaaq inissittoq
Allannguuteqartoqanngitsoq
Jens B. Frederiksenip oqaatigaa LNS Greenlandip True North Gensip sanaartornera ingerlakkaa. Taamaattumik sulisut atorfinitsinneqarneranni allannguisoqassarani.
- Sulisuusimasut ilaat atorfinitseqqinneqarput sanaartornerullu naammassinissaa nangillugu, oqarpoq nangillunilu tamanna pisinnaasoq Naalakkersuisoqarfik akiliisinnaajunnaartoqarnerani sukkasuumik pitsaasumillu qisuariarlunilu sulisimammat.
Atuaruk: Aappaluttumi rubinisiorfik annaanneqarpoq: Ulloq nuannaarfiusoq
Sulisut nunaqavissut
IBA-mut isumaqatigiissummut atatillugu minnerpaamik sulisut 70 procentii nunaqavissuussapput.
- Maannamulli annermik nunaqavissuinnangajannik sulisoqarsimagatta sulisut tamangajammik nunaqavissuullutik, tamannalu ingerlaannassaaq, Jens B. Frederiksen atsiornermut atatillugu oqarpoq nangillunilu LNS Greenlandip anguniagaralugulu naleqartitarigaa sapinngisamik sulisut amerlanerpaat nunaqavissuussasut.
Vittus Qujaukitsup oqaatigaa LNS Greenland Gems maanna ukiuni qulingiluani Qeqertarsuatsiaat eqqaani Aappaluttumi rubininik safirinillu piiaanissamik akuersissuteqartoq.
- Naatsorsuutigaarput sanaartornerup nalaani aatsitassarsiorfimmi sulisut 40-50-iussasut, ingerlalerpallu sulisut 80 aamma 87-it akornanniissasut, Vittus Qujaukitsoq oqarpoq.
Atuaruk: Kalaallit rubiniutaat siulliit juullertinnagu piareersinnaasut
Allaaserisaq tamaat Sermitsiami atuaruk, taanna ullumi tallimanngornermi pisiniarfinniilerpoq. Aviisi uani aamma pisiarisinnaavat: