rubinit

Rubinisiorfimmut isumaqatigiissut nutaaq inissittoq

Isumaqatigiissut IBA allannguuteqanngitsoq ullumi atsiorneqarpoq

Ingerlatseqatigiiffiup LNS Greenland Gemsip ukioq manna konkursernerup kingorna, Aappaluttumi Qeqertarsuatsiaat eqqaaniittumi rubinisiorfimmik ingerlatsinissaanut piumasarineqartut ilaat inissippoq.

Atuaruk: Aappaluttumi rubinisiorfik annaanneqarpoq: Ulloq nuannaarfiusoq

IBA-mik isumaqatigiissummut ilassut sisamanngornermi LNS Greenlandip, Naalakkersuisut kiisalu Kommuneqarfik Sermersuup akornanni atsiorneqarpoq.

Iluaqutit
Piaanermut suliniummut atatillugu najukkamiittut amerlanerpaanik qanoq ilillutik iluaqutserneqassanersut, minnerpaamillu ajortunik kinguneqartitsisoqarnissaa, Impact and Benefit Agreementip (IBA) nassuiarpaa.

Atuaruk: Kalaallit rubiniutaat siulliit juullertinnagu piareersinnaasut

Peqqissaartumik allaatigisaq
Isumaqatigiissut allannguuteqanngitsoq peqqissaartumik allaatigisaavoq, ilaatigullu makkuninnga imaqarpoq:

  • Ukioq ataaseq ingerlatsisoqareerpat piaaffimmi sulisut 80 procentii nunami najugaqartuussapput.
  • Sulisunut ilinniartitsinissamut piumasaqaateqarpoq.
  • Ingerlatseqatigiiffik ilinniartunik sulilersitsisassaaq, tamatuma saniatigut qassit sulilersinneqartassanersut ilanngunneqarnikuuvoq.
  • Sulisut sapaatip-akunnerini pingasuni sulinerminni kulturikkut sammisassaqartinneqartassapput.
  • Sulisut kalaaliminernik nerisaqartinneqartarnissaat qulakkeerneqartassaaq.
  • Sulisunut sammisaqartitsinissamut aningaasanik immikkoortitsisoqarpoq.

Aallartipallassasoq
Piiaaffik piaarnerpaamik ingerlanneqalernissaa, najugaqartullu suliniummi sulereersut kinguneqartitsiffiginagineqannginnissaat LNS Greenland Gemsip neriuutigaa. Sanaartornerup nalaani piiaaffimmik suliniut najugaqartunut suliffissaqartitsillunilu aamma najukkami pisiortorfiusunut kaaviiaartitaqartitsivoq.

Powered by Labrador CMS