Sulisartut ulluat
Kim Kielsenip siunissaq neriulluarnartutut isigaa
Sulisartut ulluanni Naalakkersuisut siulittaasuat Kim Kielsen (S) oqalugiarpoq, tassani naalakkersuisoqatigiit pilersaarutaat illersorpai
Naalakkersuisut siulittaasuat, Siumumeersoq Kim Kielsen, sulisartut ulluannut atatillugu sapaatiummat oqalugiartut ilagaat.
Oqalugiarnerup aallartinnerani taanna maanna illuatungiliuttunut Inuit Ataqatigiinnut tusangiasaarivoq.
Atuaruk: Vittus: Unammilligassaqarpugut
- Ukiuni kingullerni arlaqartuni inuuniarnikkut atukkavut ilungersunarsimapput ilami oqittuinnaasimanngillat, allaat 2009-imiit 2013- ilanngullugu nunattsinni suliffissaqarniarneq aningaasarsiornerlu ammuinnaq ingerlalersimagaluartut, Naalakkersuisut siulittaasuat oqalugiarnermini oqarpoq. (Piffissami 2009-mi 2013-imut IA-p nunatsinni pissaaneq tigummivaat, aaqq.)
- Maannakkut 2014-imiit pillugit pillugit ilorraata tungaanut aallartikkiartulerpavut, qujanartumik, Kim Kielsen erseqqissaavoq.
Atuaruk: IA-p siulittaasua: Assigiinngissuseqarneq kikkut tamarmik akiussavaat
- Ukiunut tulliuttunut isumalluarpunga, aap isumalluarpunga - angallannikkut aaqqissuusseqqinneq aallartippoq, timmisartunut mittarfiliornissat aallartissapput aamma nunatta aningaasarsiornerulernissaanut iluaqutaasumik.
- Nunatta pisussutai uumassusillit aalisakkat naleqarnerulersinneqassapput, nunatsinnullu aningaasarsiornikkut iluaqutaanerulersinneqarlutik. Aatsitassarsiorneq aallarteqqissaaq aamma suli aningaasarsiornerulersitsisumik, Kim Kielsen ilaatigut taama oqarpoq.
Atuaruk: Jess G. Berthelsen: Politikerivut tatigalugit
Taassumalu politikerit ikioqatigiinnatik uparuartuutiinnartarnerat oqaaseqarfigaa.
- Immitsinnut uparuartuutiinnarata, ikioqatigiilluta suleqatigiilluta ingerlaqqinniarta, sulisoqarnikkullu aaqqissuusseqqilluta kalaallit nunaminni pisariaqartinneqarnerat pingaartillugu, Kim Kielsen maajip aallaqqaataani oqalugiarami oqarpoq.