Qaammarsaasoqaraluartoq
Inuppassuit suli syfilisimik nappaateqarput
Nappaatip katsorsarneqarnissaa pingaaruteqarpoq. Taamaanngippat tamanna kingunerluutaarujussuarsinnaavoq
Ukiuni arlalinni kinguaassiutitigut nappaat syfilis Kalaallit Nunaanni takussaanngilluinnanngajassimavoq. Kisianni 2012-imi takkuteqqippoq – tamatumalu kingorna sukkasuumik tuniluulluni.
2013-imiit 2015-ip tungaanut Kalaallit Nunaanni pisoq nakorsaanerup Henrik Trykkerip napparsimasut »amerligaluttuinnarnerattut« taavaa.
Manna tikillugu siorna amerlanerpaapput, taamani syfilissertut 55-it nalunaarutigineqarput. Taamaattumik nappaatip suli sukkanerusumik tuniluunnissaa ersissutigineqarpoq.
Atuaruk: Nakorsat mianersoqqusipput: Usuup-puua atornagu atoqatigiittarneq unitsinneqarli
Suli amerlavallaartut
Qujanartumilli taamaalisoqanngitsoq kisitsisit suli tamanut saqqummiunneqanngitsut aamma Kalaallit Nunaanni nakorsaanerup AG-mut tunniussaasa takutippaat.
- Kisitsisit syfilissertut amerliartornerat unissimasoq takutippaat aamma ukioq´manna syfilissertutut nalunaarutigineqarsimasut ikilerialaarsimasut takusinnaavavut, Henrik Trykker oqarpoq.
Kisitsilli tamakkiisut suli amerlavallaarput: 50-it missaat.
Atuaruk: Ukiukitsorpassuit kinguaassiutitigut nappaatinittarput
Ukiuni arlalinni malunnarsiffigineqarsinngaanngitsoq
- Napapat syfilis navianarpa?
- Syfilisip paasineqarnissaa katsorsarneqarnissaalu pingaaruteqarpoq. Syfilis katsorsarneqanngikkuni ajornartorsiutinngorsinnaavoq aamma assersuutigalugu qaratsamik innarliisinnaavoq, Henrik Trykker akivoq.
- Kisiannimi tamanna sioqqullugu paasineqassaaq?
- Mameqqittussanik ikeqartoqalersarpoq. Taava ukiuni arlanni nappaat malunnarsiffiginagu inuusoqarsinnaavoq. Tamanna ajornartorsiutaavoq, Henrik Trykker, isumannaatsumik atoqatigiinneq tassaasoq imminnut tunillannaveersaarnissamik erseqqissaasoq oqarpoq.
Atuaruk: Kinguuaassiutitigut nappaatinut paasititsiniaaneq nutaaq
Allaaserisaq tamaat AG-mi ullumi pingasunngornermi saqqummersumi atuaruk. Aviisi uani aamma pisiarineqarsinnaavoq: