nappaatit

Nakorsat mianersoqqusipput: Usuup-puua atornagu atoqatigiittarneq unitsinneqarli

Ingammik inuusuttut akornanni 'aarlerinartorujussuarmik pissusilersorneq', syfilisip innuttaasut akornanni siaruaanneranut pissutaasinnaavoq. - Nappaat siaruaatilersinnaasoq nakorsat oqaatigaat

Syfilisimik nappaateqartoqarneranik ukiorpassuarni nalunaarsuisoqarpianngereersorlu, kinguaassiuutitigut nappaat navianartoq, maanna nunatsinni ajornartorsiutinnguukkiartoqqilerpoq.

Dronning Ingridip Napparsimmavissuani nakorsat pingasut kisitsisit nalunaarutigineqartut ima aarleqqutigitigaat, allaat taakku nappaatip siaruaakkiartoqqilernera mianersoqqussutigalugu.

Peqatigisaanillu oqartussat peqqinnissaqarfimmilu sulisut pinaveersaartitsissutinik assigiinngitsunik aallartitsillutillu, tunillatsissimasunik taakkulu atoqatigisimasaannik ujarlissasut, taakkua kaammattuutigaat.

Nakorsat pingasut - Nadja Albertsenip, Gert Mulvadip Michael L. Petersenillu – misissuinertik nakorsat atuagassiaanni tuluttut saqqummersartumi, International Journal of Circumpolar Healthimi, Issittumi peqqissutsimut tunngasunik sammisaqarnerusumi, saqqummiuteqqammerpaat.

Taakkulu allaaserisartik inerniliussamik imaattumik aallarnerpaat:

- Syfilis Kalaallit Nunaanni siumugassaaqqilerpoq, nappaallu siaruaateqqilersinnaavoq. Taamaammallu peqqinnissaqarfimmi taassuma eqqummaariffigineqarnerunissaa, tunillatsissimasunik ujarlernernik qulakkeerinninnissq kiisalu tassannga alapernaarsuinermik aallartitsinissaq kissaatiginarsinnaavoq.

Allaaserineqartoq tamaat aviisimi saqqummeqqammersumi AG-mi atuarneqarsinnaavoq. Aviisi ataani aamma pisiarineqarsinnaavoq:

Powered by Labrador CMS