nappaatipiluit
Ukiukitsorpassuit kinguaassiutitigut nappaatinittarput
Ukiuni arfinilinni gonorrémik nappaatillit aatsaat taama amerlatigipput
Ukiukitsut kinguaassiutitigut nappaatinittarnerannut suliat amerligaluttuinnarput.
Naalagaaffiit Peqatigiit Meeqqanut ataatsimiittartuutitaanut nalunaarusiap tamanna takutippaa, tassani Namminersorlutik Oqartussat FN-ip meeqqanut isumaqatigiissummik eqquutsitsinermut tunngatillugu nalunaarusiorput.
Atuaruk: Kinguuaassiutitigut nappaatinut paasititsiniaaneq nutaaq
Kinguaassiutitigut nappaatit
Meeqqat inuusuttuaqqallu 18-it inorlugit ukiullit atugaat aamma kisitsisitigut takusassianik nalunaarusiaq ilaatigut imaqarpoq, assersuutigalugu tassani ilaatigut kinguaassiutitigut nappaateqalersimasut allattorsimaffii kisinneqarput.
Ukiuni arfinilinni gonorrémik nappaateqartut aatsaat taama amerlatigilersimasut, nalunaarusiami takunneqarsinnaavoq.
Tassani amerlassusaat 2009-imit 2014-mut 27,5 procentimik amerleriarsimapput. Inuit 1.000-iugaangata naatsorsorneratigut, 18-it inorlugit ukiullit 2014-imi 376-it nalunaarsornqarsimapput.
Atuaruk: Syfilisip atugaanersua Dorisip tupassutigaa
Ukiumut amerlanerusut
Klamydiamut tunngatillugu 2009-mit 2014-imut nappaateqartartut 29,3 procentimik amerleriarsimapput.
2014-imi oqartussat inuit 18-it inorlugit ukiullit 1.000-iugaangata 985-ersuit nalunaarsorneqarsimapput. Taakku amerlassusaannulli, nakorsiartut ukiup ataatsip ingerlanerani arlaleriarlutik kinguaassiutitigut nappaammik tunillatsittartut ilaapput.
Atuaruk: Nappaatipiluit Nunatsinni atugaasorujussuanngoqqipput