Ilulissani ikuallattoqarnerata kingorna suli takunnittussarsiortut

Royal Greenlandip aalisakkeriviani ikuallattumut maajip aallaqqaataani nalunaaqutaq 22:04 nalunaarutigineqartumut, Ilulissani politiit suli takunnissimasinnaasunik ujaasipput.

- Naak annertunerusumik misissuinermik suliaqartoqareeraluartoq aamma Danmarkimit ikiorneqaraluarluta, suliaq suli naammassisinnaanngilarput, Carl Sværd, politikommisæriugallartoq nalunaarpoq.

Innaallagiaqarnikkut ikuallattoqanngitsoq
Politiit ilaatigut Dansk Brand- og Sikringstekniske Institutimit teknikkikkut nalunaarutinik pissarsipput.

Taakku innaallagiatigut atortut ikuallatsitsisimasinnaannginnerarpaat.

Atuaruk: Ikuallaarujussuartoqarneranit assit takukkit

Nakkutiginninnermut videomi meeraqanngitsoq
Ikuallattoqarneranik takunnittut arlallit apersorneqarnikuupputm kisiannili suliamik naammassititsinngillat.

Takunnittut ilaasa politiinut nassuiaatigaat, meeqqat sisamat qulit aqqaneq-marlullu akornanni ukiullit tamaani nalunaaqutaq qulip missaani takusimallugit.

Kisianni tamanna nakkutiginninnermi videoliat, politiit suliffeqarfimmit pissarsiarisaasa takutippaat ajoraluartumik ilumuunngitsoq.

Atuaruk: Ilulissani ikuallattoq piaaraluni ikuallatsitaasinnaavoq

Maanna politiit biili qaqortoq ujarpaat.

- Videoliat ersarinnerulersinniarlugit Danmarkimi assinik suliaqartarfimmut nassiunneqarnikuupput, politikommissæri itisiliivoq.

Biili qaqortoq fabrikkip eqqaaniittoq
Immiussat ajoraluartut pingaarutilinnik takussutissiinngillat, kisianni biili qaqortoq pick-upitut isikkoqartoq ikuallaffiusumut tikiuttoq, kingornalu ingerlaqqilluni.

Biili ingerlaqqimmat Royal Greenlandip avannamut kimmut sammisuani pujulerpoq, kingornalu sukkasuumik qaartutut ikuallalerpoq.

Atuaruk: Ilulissani ikuallattup qaminnissaa sulissutigineqarpoq

Politiit inunnik meeqqat taakku sisamat kikkuunerinik imaluunniit biilimut qaqortumut ilisimasaqarsinnaasut oqaloqatiginninnissartik soqutigaat.

Ilulissani politiit telefonnormoqarput 70 14 22.

Ilulissanit oqaluttuat tamaasa atuakkit