Ilulissani ikuallattoq
Ilulissani ikuallattoq piaaraluni ikuallatsitaasinnaavoq
Ilulissat aalisakkerivissuani sooq ikuallattoqarnera erseqqissumik nassuiaatissartaqanngilaq
Sapaatip-akunnerani kingullermi Royal Greenlandip Ilulissani aalisakkerivissuani annertuumik ikuallattoqarpoq, qatserisartut akunnerit arlallit tassani qamitsiniaapput.
Ikuallattorlu piaaraluni ikuallatsitaasinnaavoq, politikommisæriugallartoq Carl Sværd, KNR-imut taama oqarpoq.
- Ikuallattoqarsimatillugu paasiniaasartut aalajangersumik oqaatigaat ikuallannermut erseqqissumik nassuiaatissaqanngitsoq. Taamaattumik aallaavigaarput ikuallatitsisoqarsimasoq, Carl Sværd oqarpoq.
Atuaruk: Ikuallarujussuartoqarnerata kingorna qatserisartut marluk unitsinneqartut
Ikuallaffiusoq misissoraat
Ikuallattoqarsimatillugu misissuisartut qallunaat pingasut ulluni pingasuni Ilulissaniipput, ikuallaffiusorlu misissorlugu, taakku Danmarkimut uterunik ikuallanneq pillugu nalunaarusiussapput.
Atuaruk: Ikuallannerup kingorna: Raajanik tunisassiorneq aallarteqqippoq
- Uagut paasiniaaneq ingerlateqqissavarput. Pasinapiluttoqarneratut nalilerlugu suliaqarpugut, Carl Sværd KNR-imut oqarpoq.
Ikuallaarujussuartoqarneranit assit takukkit