NunaMinerals
IA: Naqqaniit aallartitsisariaqalersinnaavugut
Inuit Ataqatigiit - Partii Naleraq assigalugu - ugguaraat Nunaminerals akiliisinnaajunnaarmat. - Ernummatigaara isigineqarnitta innarlerneqarsimasinnaanissaa, siulittaasoq Sara Olsvig oqarpoq
Allaaserisaq 20.04.2015 nalunaaqutaq 13.32 nutarterneqarpoq
Nunatsinni Naalakkersuisunut partiit illuatungiliuttut annersaat, Inuit Ataqatigiit, pakatseqqapput Naalakkersuisut aatsitassarsiortitsileqatigiinnut Namminersorlutik Oqartussanit ilaannakortumik pigineqartunut Nunamineralsimut ikiuiniarlutik kingusissorujussuarmik aatsaat akuliummata.
- Uggornarpoq Nunaminerals akiliisinnaajunnaarmat. IA-mit ujartortarsimavarput paaserusullugu Namminersorlutik Oqartussat suliffeqarfiup paasissutissat katersorsimasai pissarsiarissanerai. Kisianni tassunga apeqqummut ersarissumik akineqarnikuunngilagut, taamaammat uggornarpoq aatsitassarsiortitsileqatigiiffik piginneqataaffigisarput annaangatsigu, partiip siulittaasua Sara Olsvig oqarpoq.
Atuaruk: Hans E.-p Nunamineralsip akiliisinnaajunnaarnerani politikkertoqarsoraa
Atuaruk: Nunatsinni ujaasinermik ingerlatsinerpaaq akiliisinnaajunnaartoq
- Nutaamik suliffeqarfimmik piginneqataaffigisatsinnik aallartitseqqinniarutta maanna naqqaniit aallartittariaqalissaagut, oqarpoq.
Sara Olsvig aamma isumaqarpoq Nunamineralsip akiliisinnaajunnaarnerata kinguneratigut Nunatta isigineqarnera innarleqartoq.
- Annilaangatigivara nunatta isigineqarnera ammaarluni innarlerneqarnersoq. Unami suliassaq kisimi pineqanngilaq, kisianni aamma Namminersorlutik Oqartussani soraarsitsiortornerpassuit allat, Sara Olsvig oqarpoq.
Nunaminerals pillugu allaaserisat allat uani atuakkit