Nunamineralsip akiliisinnaajunnaarnera
Nunatsinni ujaasinermik ingerlatsinerpaaq akiliisinnaajunnaartoq
Nunamineralsip siulersuisui akiliisinnaajunnaartutut nalunaarumallutik qinnuteqarput
Nunaminerals A/S sapaatiummat akiliisinnaajunnaartutut nalunaarutigineqarumalluni qinnuteqarpoq.
Siulersuisut ´peqqissaartumik isumaliutigereerlugu´aalajangerput akiliisinnaajunnaartutut nalunaarutigineqarnissamik qinnuteqarniarlutik. Nunamineralsip ingerlatiinnarnissaanut aningaasanik naammattunik nassaartoqarsinnaasimanngilaq.
Januaarimi immikkut ittumik ataatsimeersuarnerup kingorna siulersuisut qullersall selskabip ingerlateqqinnissaanut aningaasaliisussamik allamik ujarlersimagaluarput.
" Selskabimi piginneqataasunut tamanut iluaqutaasussamik aaqqiissutissarsiorluni periarfissat tamarmik misissorneqarsimapput", selskabip sapaatiummat unnukkut tusagassiorfinnut nalunaarummini kingullermi allappoq.
Selskabip Greenland Mining Management-ip (GMM) annaassiniutissatut kingullertut neqeroorutaa namminersorlutik oqartussat atorsinnaasutut isigisimanngilaat. Taamaattumik selskabi ullumikkut suli akiliisinnaassuseqanngilaq - aningaasaarutivissigami.
Aatsitassanik ujaasinermik selskabip aktiaanik Københavns fondsbørsimi siunerneq februaarimi atorunnaarsinneqarpoq, maannalu Nunamineralsip siulersuisui aalajangerput Kalaallit Nunaata Eqqartuussiviani akiliisinnaajunaartutut nalunaarutigineqarnissamik qinnuteqarniarlutik.