atuakkiortoq
Homo Sapienne nunanit allanit soqutigineqarluartoq
Amerikami atuagassiap tusaamasanik allaaserisaqartartup The New Yorkerip atuakkiortoq Niviaq Korneliussen pillugu allaaserisaa Milik Publishingimut naleqartorujussuuvoq. Nunanimi allamiut naqiterisitsisarfii saqqummersitserusullutik tulleriiaatiinnalerput
Niviaq Korneliussen nunani tamalaani angisuumik saqqumilaalersinnaavoq, tassa taanna taassumalu atuakkiaqqaava Homo Sapienne, Amerikami atuagassiami sunniuteqarluartuusumi The New Yorkerimi sukumiisumik qanittukkut allaaserineqareersorlu.
Taassuma naqiterisitsisarfianit Milik Publishingimit oqaatigineqarpoq, tamatuma kingorna nunani allamiut soqutiginnittorujussuanngortut.
Atuaruk: Niviaq Korneliussen Amerikamiut tusagassiuteqarfianni allaaserineqartoq
- Soqutiginninneq angeqaaq. Qisuariarfigineqarluaqaagut. Arlalinnit saaffigineqartarpoq. Tuniniaasartunit nunanilu allani naqiterisitsisarfinnit saaffigineqartarpugut, taakkulu suliaqarfigileruttorlugit. Aamma qallunaat nunanilu allamiut tusagassiorfiinit soqutiginnittoqartorujussuuvoq, aaqqissuisoq Julie Rehhoff Kondrup oqarpoq.
Atuaruk: Homo Sapienne-mik atuakkiortoq nuimasuut akornanni
Allaaserisaq tamaat AG-mi uani sapaatip-akunneraneersumi atuaruk. Aviisi uani pisiariuk: