Hermannip Kangerlussuaq pingaaruteqarnerarpaa

Ilaasut suli Torontomut apuuteqqajanngitsut, sulilu timmisartoq ajornartoornermi mittoq Kangerlussuarmiinnerani, borgmesterip Hermann Berthelsenip (S) Kangerlussuarmi mittarfik pisoq atorlugu nittarsaassutigaa.

- Kangerlussuarmi mittarfiup 2815 meterinik takitigisup naleqquttumik inissisimanini takuteqqippaa, Hermann Berthelsen (S) oqarpoq.

Atuaruk: Timmisartoq ajornartoornermi Kangerlussuarmut mittariaqartoq

Akisussaaffimmik tigusissasoq
Boeing 767 marlunngornermi unnukkut Londonimit Torontomut ingerlaaartoq mekanikkikkut ajoquteqarnini pissutigalugu mittariaqarsimavoq. Timmisartoq 250-inik ilaasoqarpoq.

Atuaruk: Mittarfik: Malittarisassat malinneqarput

Boeing 767-it mittarfimmik 2.410 meterisut takitigisumut minnissamut pisariaqartitsisut, Qeqqata Kommuniani borgmesterip maluginiaqquaa, taamaammat Kangerlussuup attatiinnarneqarnissaa ineriartortinneqarnissaalu pingaaruteqarnerarpaa, taamaalilluni Nunarput qulaaqqunnermi isumannaallisaanermut atorneqarsinnaassammat.

- Kalaallit Nunaata takisuumik mittarfeqarnermigut, Atlantikup avannarpasissuani akisussaaffeqarnini pimooruppaa. Ullutsinni siunissamullu pingaaruteqarpoq, Hermann Berthelsen oqarpoq.

Atuaruk: Kaffemaskiina kortsluttermat SAS-ip timmisartua miinnartariaqartoq

Siullermiilinngitsoq
Taassuma aamma oqaatigaa, 2015-imi oktobarimi assingusumik pisoqartoq, tassani SAS-ip timmisartua isumannaallisaaneq pillugu Kangerlussuarmut mittariaqarsimavoq, kiisalu ulluinnarni timmisartorsuit Europamit Canadamukartut, USA-mukartut killup tungaanullu ingerlasut Kalaallit Nunaat qulaattuartaraat.

Westjetip timmisartuanut ilaasut 250-it akunnerit arlalialuit kingorna Boeing 767-init marlunnit aaneqarput.