Kangerlussuaq
Mittarfik: Malittarisassat malinneqarput
SAS-ip timmisartuutaa isumannaallisaaneq peqqutigalugu Kangerlussuup mittarfiani qatserisartut piareersimapput
- Malittarisassat malillugit pisoqarpoq. Timmisartuusseqatigiiffinnut aamma timmisartornermut aqutsisunut kiisalu Kangerlussuarmi ataqatigiissaarineq taamatut pisoqarnerani ajoquteqanngitsut pisup takutippaa.
Niels Grosen Mittarfeqarfinni ingerlatsinermut pisortaq erseqqissaavoq, SAS-ip timmisartuutaa Airbus A330-300 159-inik ilaasoqartoq inuttaqartorlu isumannaallisaaneq peqqutigalugu ippassaq ataasinngorneq 12. oktober mittariaqareersorlu.
Isumannaallisaaneq pillugu minneq nalunaaqutaq 17:51 pivoq.
Kaffiliuut peqqutaasoq
SAS-ip timmisartuani Stockholmimit Chicagomut ingerlaartumi kaffiliuut kabinimi pujuliortitsivoq, timmisartup Kalaallit Nunaata qulaani silaannarmiinnerani. Tamaattoqarnerani inuttat timmisartornermi aqutsisut Islandimiittut attaveqarfigaat, taakkulu Kangerlussuarmi timmisartunik aqutsisut attaveqarfigaat.
Tassani qatserisartut piareersimasut ingerlaannaq kalerrinneqarput. Piffissamilu tassani timmisartumi inuttat kaffiliuut peerpaat halonimillu gasimik ikuallattumik qamitsisartumik kaffiliuutip tunua qatserpaat.
Unnuinermut isumaginnittut
Minnerup kinguninngua ilaasut inuttallu Kangerlussuup mittarfeqarfiani ataatsimoortinneqarput, timmisartullu naalagaata ilaasut pisumik nassuiaaffigai.
SAS timmisartuni ilaasuni aamma inuttani ullumikkumut Kangerlussuarmiiginnarallarnissaat aalajangiuppaat. Mittarfeqarfiit ilaasut 159-it nassataat aamma unnuinissaat nerisaqarnissaallu isumagaat.
Isumannaallisaaneq pillugu minneq suua?
Isumannaallisaaneq pillugu minneq tassaavoq ‘isumannaallisaaneq qulakkeerniarlugu minneq’.
Timmisartoq isumanaallisaaneq pillugu mittarpoq, timmisartut ingerlaneranut imaluunniit isumannaallisaaneranut sunniuteqartumik sunniuteqarsinnaasumilluunniit pisoqartillugu.
Taamaattumillu ajutoornerunani.
Ajornartoorluni minneq suua?
Isumannaallisaaneq pillugu minnerup ajornartoorluni minneq assiginngilaa.
Eqqortumik oqaatigalugu timmisartoq ajornartoorluni mittarpoq, timmisartoq pisut peqqutigalugit piaarnerpaamik mittariaqalersippagu.
Ajornartoorluni aatsaat mittoqartarpoq: Ajortumik timmisartoq ajoqusersimatillugu annertunerusumik iluarsaassinissamik pisarialimmik, Mittarfeqarfiit taama ilisimatitsipput.
Aamma atuaruk: Kaffemaskiina kortsluttermat SAS-ip timmisartua miinnartariaqartoq