akitsuutit
Halibutimi pisortaq: Aningaasaateqarfiunngilagut
Naalakkersuisut avammut tunisinermut akitsuutinik 20 millionit koruuninik fabrikkit akiligassaannik aallerniarnerannut pilersaarutaat qaleralinnik fabrikkinit akerlilerneqarpoq
Naalakkersuisut sumut ingerlaniar nersut apererusuppakka. Siullermik pisortat annertuallaarnerarpaat nukit tuallaarnerarlugillu inuussutissarsiortullu namminersortut nukittorsarneqassasut oqaatigalugu. Siunnersuutaalli kukkusumik sammiveqarpoq, Halibut Greenlandimi pisortaq, Niels Thomsen oqarpoq.
Halibut Greenland tunisisarpoq, nioqqutissiorluni qaleralinnik allanillu aalisak kanik tuniniaasarluni. Naalakkersuisut akitsuutinik nutaanik katillugit 54,5 millionit koruuninik siornatigut akitsuutaasimasunut 96,5 millionit koruuniusimasunut taartissatut inissiisimapput, taakkulu 20 millionit koruunit qaleralinnik suliarineqanngitsunik avammut tunisinermi akitsuusiinertigut aaneqassallutik.
Atuaruk: Qalerallit immikkut akitsuuserneqarnissaat illersorpaa
Akitsuutit
Naalakkersuisut ikummatissanut neqinullu akitsuusiisoqarnissaanik siunnersuuteqarsimagaluarput, taakkuli Inatsisartunit isumaqatigineqarsimanngillat, taassumalu kingorna naatsorsuutit nutaat annertuumik isornartorsiorneqareersullu takkussimallutik.
Taamaam mallu aningaasaqarnermut Naalakkersuisup siunnersuut Inatsisartut ukiakkut ataatsimiinneranni siullermeerneqannginnerani ullut marluk sioqqullugit tunuartiinnartariaqarsimavaa partiillu allat peqatigalugit akitsuutinut tunngasunik nutaamik isumaqatiginninniarluni aallartilluni.
Atuaruk: Qalerallit pillugit akitsuusiiniarneq isornartorsiorneqarpoq
Tamanna agguakkamik isumaqatigiinnermik kinguneqarpoq, tassani naalakkersuisooqatigiinni partiit pingasut akitsuutinut tunngasumik nutaamik isumaqatigiillutik. Naalakkersui sulli avammut tunisinermi akitsuutinik 20 millionit koruuninik aallerniarlutik aala jangeramik aalisarnerup iluani peqataasut ilanngussimanngilaat.
– Siunnersuut inuussutissarsiortunut akeqqersimaarnertut nalilerneqarsinnaavoq. Tassami inuussutissarsiornermik sanngiillisaasoqarnani pitsanngorsaasoqar tussaagaluarpoq, Niels Thomsen Sermitsiamut oqarpoq.
Atuaruk: Akitsuusiinissat Siumumit
Allaaserisaq tamaat Sermitsiami nutaami saqqummertumi atuaruk, uani pisiarisinnaavat: