Kuannersuit
GME-p VVM-imut nalunaarusiami paasissutissat amerlanerusut tunniutissavaat
Avatagiisip qanoq inneranut uuttuinerit Avatagiisinut Aatsitassanullu Aqutsisoqarfimmiit paasissutissat pissarsiarineqarusupput
Pinngortitap qanoq inneranik paasissutissanik, Avatagiisinut Aatsitassalerinermik oqartussaaffiup GME itinerusumik nassuiaateqaqquaa.
Decembarip qaammataani GME urani-mik aatsitassanillu qaqutigoortunik piiaavissami avatagiisinut VVM-mik nalunaarusiaq utertippaat, kingornalu Avatagiisinut Aatsitassalerinermullu oqartussaaffimmit nalunaarusiaq misissorneqarluni.
Atuaruk: GME: Uranimik piiaaffik uloriananngilaq
Avatagiisimut paasissutissat
Nalunaarusiarineqarsimasorlu misissuataareerlugu, suliuniummut paasissutissanik sukumiinerusunik pissarserusupput.
- Paasissutissiat tamaasa apersuutigisimavagut. VVM-imik nalunaarusiat suliniutillu tusarniutigineqarnissaannut paasissutissat naammannersut tamaasa taama suliarisarpagut, Aqutsisoqarfimmi pisortaq, Aatsitassanik Suliassaqarfinnut Avatangiisinut Aqutsisoqarfimmiik, Najaaraq Demant-Poort, Sermitsiaq.AG-mut allappoq.
VVM-imik paasissutissiinermut najoqqutassiami, piiaavimmik aallartitsisoqartinnagu pinngortitap qanoq inneranik najoqqutassiaq sukumiisumik nassuiaatitaqassaaq.
Paasissutissallu taakku Aatsitassanut Avatangiisinullu Aqutsisoqarfimmiik sukumiinerusumik paasisaqarfigineqarusupput
- Uumasut, naasut, silaannaap pissusaa, imeq, pujoralaat allanullu tunngasut paasissutissanut tunngasut misissortarpagut. VVM-mimut nalunaarusiornissamut najoqqutassiami taama allaqqasoqarpoq, najoqqutassiaq nittartakkamiippoq tamanillu takuneqarsinnaalluni, Najaaraq Demant-Poort oqarpoq.
Atuaruk: Isertortumik uranisiornermut nalunaarusiaq saqqummiunneqarpoq
Suleriaaseq naliginnaasoq
Suliffeqarfik VVM-imik nalunaarusiaat Aatsitassanut Aqutsisoqarfimmiik misissorneqassaaq paasissutissanillu sukumiinerusunik piumasaqarsinnaalluni. Suleriuseq taanna naliginnaasuuvoq najoqqutassiamilu aamma taama allassimasoqarluni.
- Suliniutigineqartuni suut tamaasa paasiniartarpagut. Suliffeqarfik assigiinngitsunik apeqquteqarfigisarparput. Naggataanilu paasissutissat maleruaqqusat malillugit utertinneqarsimanersoq inerniliiffigisarparput kiisalu suliniutip tamanut tusarniaaffigineqarnissaminut paasissutissaqarluarnersoq inerniliiffigineqartarluni, aqutsisoqarfimmi pisortaq allappoq.
GME-p paasissutissat qanoq saqqummiukkumanerlugit nammineerlutik aalajagissavaat. Piiaavissamilu misissuisoqarnissaa Avatagiisinut Aqutsisoqarfimmiik piumasarineqanngilaq.
Nalunaarusiaq tamakkiisoq ukiaru utertinneqassagatinneqarpoq
GME-p VVM-imik najoqqutassiaa qaqugu tusarniuutigineqassanersoq, Najaaraq Demant-Poortip eqqoriarsinnaanngilaa.
Sapaatip akunnerata siuliani GME-p, DR-mut, oqaatigaa, nalunaarsiaq tamakkiisoq ukiaru piareerneqareersimassasoq ilimagalugu.