EU
Demokraatit EU pillugu siunnersuumminni ilalerneqanngitsut
Kalaallit Nunaata EU-mut ilaasortanngoqqinneratigut iluaqutissat ajoqutissallu misissorneqarnissaannik partiip naalakkersuisooqataasup siunnersuutaa Inatsisartuni partiimit ataasinnguamilluunniit ilalerneqanngilaq
Kalaallit Nunaata EU-mut ilaasortanngoqqinnissaanik Sermitsiaq.AG juunimi atuartartunik taasisitsimmat amerlanerussuteqartut 1.000-t sinnillit isumaqarput EU-mut ilaasortanngoqqittariaqartugut.
Angusaq tamanna isumaqarsimappat nunatsinni amerlanerussuteqartut EU-mut ilaasortanngoqqinnissaq isumaqatigigaat, tamatuma marlunngormat Inatsisartuni oqaluuserineqarnerata kingorna amerlasuut puaatsoorsimassapput. Tassami ulloq taanna ilaasortanngorniaqqinnissamik Demokraatit siunnersuutaat inuit qinigaasa oqaluuseraat.
Atuaruk: EU-mut ilaasortaanissaq Demokraatit misissorniarpaat
Nammineq aalajangiisinnaajunnaarneq
Oqallinnerullu inernera ersarilluinnarpoq. Inatsisartuni partiit allat tamavimmik isumaqarput tamanna isumassarsiatsialaanngitsoq. Aamma Naalakkersuisut – qularnanngitsumik Demokraatineersut marluk kisimik pinnatik – siunnersuut ilalinngilaat.
Atuaruk: Demokraatit: EU pillugu oqallinneq ammaqqittariaqarpoq
Tassami Kalaallit Nunaat nammineerluni tamakkiisumik ilaasortanngorsinnaanngilaq. Akerlianik Danmarkimut atasumik ilaasortanngoqqinnerup qularnanngitsumik kingunerissavaa, assersuutigalugu aalisarnermi nammineq aalajangiisinnaassuseqarnerup annaaneqarnera, nunanut allanut tunngasunut naalakkersuisoq Vittus Qujaukitsoq, Siumut, oqarpoq.
Tamatuma saniatigut isumaqarpoq tunngavilersuutit ilisimaneqarluartut tamakkua pissusiviusunut naapertuunnersut, aammalu ilaasortanngornissap iluaqutissartaqarneranik sukumiinerusumik misissornissaannut piffissaq naleqqutinngitsoq.
Allaaserisaq tamaat AG-mi uani sapaatip-akunnerani saqqummertumi atuaruk, uani taanna pisiarisinnaavat: