Skip to main content

Atassutip inuusuttai qimaasunik ikiuukkusunngillat

Steve Olsvig Sandgreenip siunnersuutini tunuartissagaa Inuusuttut kattuffiat kaammattuivoq

Siumup Inuusuttunut Suleqatigiiffiani siulittaasup Steve Olsvig Sandgreenip Nunarput qimaasunik ikiuisariaqalernerarlugu oqariartuuteqarnera Sermitsiaq.AG-p marlunngormat allaaseraa.

- Kalaallit inuppalaartuupput katersuiniartoqaraangat katersillaqqissut, kisianni alloriaqqittariaqarpugut qimaasunillu tigusilluta, Steve Olsvig Sandgreen allappoq.

Atassutillu inuusuttai oqallinnermut maanna ilannguppoq. Taakkuli Siumup inuusuttaata siulittaasuat akerleraat.

Atuaruk: Siumup Inuusuttunut Suleqatigiiffiat: Qimaasunik tigusisariaqarpugut

Innermik pinnguarneruvoq

- Taamaattumik nunatta qimaasunut ammaanneqarsinnaanera isumaqarpunga innermik pinnguarnerussasoq. Taakkunanimi qimaasuutinneqartussanik ISIS-imiik kilitsissianik ilaasoqarsinnaanera ammaassinnaanngussagatsigu, Atassutip inuusuttaasa siulittaasuat Aqqalu Jerimiassen allappoq.

Nunarput qimaasunik tigusisalerpat takornariaqarneq eqqungaaratarsinnaasoq erseqqissarpaa.

- Qimaasunik tigusinermi pinerliiniarnerit peratassagaluarpata avataaniik tikikkumaneqassuseq annertuupilussuarmik innarlerneqarsinnaavoq, tamannalu nunatta aningaasarsiorneranut annertuupilussuarmik sunniinerlussinnaalluni.

Atuaruk: 'Qimaasunik ikiuiniannginnatta inuunngilagut ajortut'

Oqariartuut tunuartiguk

Aqqalu Jerimiassenip Steve Olsvig Sandgreenip oqariartuutini tunuartissagai kaammattorpaa.

- Steve Olsvig Sandgreen, nunatta siuariartornera innarlerusunngikkukku isuma taanna tuniartinniaruk, innuttaasugut toqqissisimanermik pilersitsiffigerusukkukkit nunani allani inuiaat aporaannerat akuleruffiginiarsarinngiinnarutsigut annaasaqarfiunnginnerussaaq, Aqqalu Jerimiassen naggasiivoq.

Atuaruk: Steen Lynge: Qimaasut Kalaallit Nunaannit akissaqarfigineqanngillat

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER