isormartorsiuineq
Atassut: Vittus Qujaukitsoq silatusaanngilaq
- Naalakkersuisut siulittaasuat sakkortuumik kaammattussavarput, piaartumik nalleriissaassutinik oqariartortariaqartoq, Atassutip siulittaasua, Knud Kristiansen oqarpoq
- Sioorasaarinerit mattussuinerillu aqqutissaanngillat.
Nunanut allanut naalakkersuisup Vittus Qujaukitsup (S) sapaatip-akunnerata aallartinnerani USA Pituffimmi aamma naalagaaffeqatigiinnermik aninissamik sioorasaarinerata kingorna, Atassutip siulittaasua Knud Kristiansen taama oqarpoq.
Atuaruk: Vittu ataatsimiititaliamit aggersarneqarpoq
Kim Kielsenimut kajumissaarineq
Vittus Qujaukitsup oqaatigisai silatusaarnerunngitsut, taanna aamma isumaqarpoq.
- Naalakkersuisut siulittaasuat sakkortuumik kaammattussavarput, piaartumik nalleriissaassutinik oqariartortariaqartoq, Knud Kristiansen erseqqissaavoq.
Atuaruk: Qujaukitsup oqariartuutai Randip isumaqatiginngilai
Tamanna pisariaqartinngikkaa
Kalaallit Nunaat nunanik pissaanilinnik, ingammik USA-mik pitsaasumik suleqateqartariaqartoq isumaqarpoq.
- Paaseqatigiiffiusumik suleqatigilluinnarnissaat pisariaqartilluinnartussaavarput, taamaattumillu oqarataarnerit maannakkorpiaq pisut nunatta isigineqarnera piinnarnarnagu, kisiannili siunissamut annertuumik pitsaanngitsumik inississinnaavaa, tamannali ukiuni makkunani pisariaqartinnaguluunniit akissaqarfiginngilarput, Knud Kristiansen (A) oqarpoq.
Atuaruk: 'Danmark makitaniartoq' pillugu suliaq tamaat