'Danmark makitaniartoq' pillugu suliaq tamaat

Danmarkimut attaveqarneq pillugu ippassaq ullumilu oqallinnerit sammisamut katersorsimalerpagut.

Pisoq immikkut ittumik sukannersumik Politikenimi apersorneqarnermik aallartippoq.

'Pisoq akuersaarneqarsinnaanngitsoq'
Tassani nunanut allanut naalakkersuisup, Vittus Qujaukitsup (S), maanna Pituffimmi aamma Camp Centurymi pisut akuersaarneqarsinnaanngitsutut oqaatigai.

- Naalagaaffeqatigiinnermi makitaniarneq ataqatigiinnitsinnut aserorterisuuvoq, taanna ilaatigut qallunaat aviisiannut ullormut saqqummersartumut oqarpoq.

Tamanna annertuumik oqallitsitsillunilu qisuariartitsivoq.

Trumpip taasineranik nersualaarinnittoq
Artic Circlemi Quebecimi ataatsimiittoqarnerani uuliasiortut pisortaannik Rex Tillersenimik Amerikami nunanut allanut ministeritut toqqaaneq ammasumik tapersersorlugu oqariartuuteqarluni Issittup imartaani uuliasiornissamut neriuuteqarnermut atassuseramiuk, Vittus Qujaukitsoq nammineq aalassatsitisuuvoq.

Kim isumaqataanngitsoq
Naalakkersuisut siulittaasuat, Kim Kielsen (S), ippassaq marlunngornermi ualikkut allagaqarluni oqaaseqaateqarpoq, tassanilu Naalakkersuisut tamakkiisumik politikiannut oqariartuutigineqartut naapertuutinngitsut naqissuserpaa.

- Matumuuna erseqqissaatigissavara allaaserisani taakkunani isummat saqqummiunneqartut ilaat Naalakkersuisuni oqaluuserineqarnikuunngimmata, taanna allappoq.

Tamatumalu oqallinneq unitsinngilaa.

Allaaserisat tamarmik katersorneqarput, taakku una toorlugu takusinnaavatit.