nassuiaaqquneqartoq
Vittu ataatsimiititaliamit aggersarneqarpoq
Vittus Qujaukitsup Politikenimi oqariartuutigisani Inatsisartuni ataatsimiititaliamut nassuiassavai
Nunanut Allanut Sillimaniarnermullu Ataatsimiititaliap naalakkersuisoq Vittus Qujaukitsoq isumasioqatigiinnissamut qaaqquaa, tassani danskit aviisiannut USA aamma Danmark pillugit Nunatta isiginninneranik oqallisaangaatsiartumik oqariartuuteqarnini nassuiassavaa.
- Allaaserisaq atuarlugu quarsaarnarpoq, taamaattumillu naalakkersuisoq nassuiaateqaqquara, ataatsimiititaliami siulittaasoq Ane Hansen (IA) ippassaq Nuuk TV-mut oqarpoq.
Atuaruk: Kimip Vittu isumaqatiginngilaa
Vittus Qujaukitsoq taamatut aviisimi issuarneqarnermisut iliornermini, naammaginanngitsumik oqaasissaminik akunnaallisaarillaqqissuunngitsoq, ataatsimiititaliap siulittaasua isumaqarpoq.
- Nuna namminersortoq nunanut allanut akerartuiutigaluni nikanarsaalluni suleqatissarsiorsinnaanngilaq, Ane Hansen, tv-eqarfimmut oqarpoq.
Politikkikkut ataatsimiititaliaq nunanut allanut sillimaniarnermullu tunngasunik suliaqartussaatitaavoq, taamatullu politikerinut isornartorsiuillutik apeqquteqartartussaallutik, assersuutigalugu nunanut allanut atassuteqarnernut isumaginninnermut tunngatillugu.
Atuaruk: Vittup Danmark Issittumi Siunnersuisoqatigiinnit anisikkusukkaa