Skip to main content

Uummannami mittarfittaarnissaq kissaatigigaa

Avannaani illoqarfiup taassuma eqqaani mittarfeqarpoq, kisianni Qaasuitsup Kommuniani kommunalbestyrelsimut ilaasortap Sakio Fleischerip, Uummannami mittarfeqalernissaa kissaatigaa

- Uummannaq tikikkuminarseqqittariaqarpoq, taamaattumik illoqarfimmi mittarfimmik pilersitsisoqartariaqarpoq. 

Qaasuitsup Kommuniani kommunalbestyrelsimut ilaasortaq, Sakio Fleischer (S) taama allappoq.

Qaarsut Uummannap ungasinngisaaniittoq 1999-imi mittarfittaarpoq. Kisianni Uummannami mittarfeqalernissaanut maanna piffissanngortoq, Sakio Fleischer isumaqarpoq.

Takornariaqanngingajattoq
- Takorluukkat annertuut ilagaat takornarissat tikerarnerulernissaat, nunaqavissullu angallannerulernissaat, aammalu aalisakkat nutaajutillugit nunanut allanut apuunneqarsinnaanngornissaat. Tamakkuli takorluukkat sinnattuinnaapput, Sakio Fleischer oqarpoq.

Kisianni taanna naapertorlugu takornarissanik Uummannamut eqqaanulluunniit tikittoqarpiarneq ajorpoq. Illoqarfiup akunnittarfia allaat matunikuuvoq.

- Siunissaq ungasinnerusoq eqqarsaatingalugu Uummannaq allatuulli ineriartoqqissappat avaqqukkuminaassaaq suluusalinnut mittarfeqarnissaa. Taamaattumik nunatsinni aqutsisut pilersarsaarummut Uummannami suluusalinnut mittarfik ilanngunneqartariaqarpoq, Sakio Fleischer oqarpoq.

Atuaruk: Qaarsuni taxaqalissaaq

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER