Skip to main content

Tunillatsissimasut amerlanerit - timmisartumik ilaasimasut mattusimasussanngorput

Nuummi sisamanngornermi coronavirusimut misissuisoqarnerani tunillatsissimasut pingasut nutaat paasineqarput. Timmisartumik angalanerni pingasuni angalaqataasimasut angerlarsimallutik mattusimasussanngortinneqarput misissorneqartussanngorlutillu.

Nuummi sisamanngornermi misissuisoqarnerani tunillatsissimasunik pingasunik paasisaqartoqaqqippoq. Tunillatsissimasut marluk tunillatsissimasumut allamut qanigisaasuupput, taamaattumillu napparsimalinnginnerminni mattusimareersimallutik, corona pillugu allatseqarfik tusagassiorfinnut nalunaaruteqarluni allappoq.

- Pingajuat Upernavimmi tunillatsissimanissaa ilimanarluinnarpoq. Corona pillugu Allatseqarfimmiit tunillatsissimasunut qanillisimasut attavigineqarleruttorput, corona pillugu allatseqarfimmiit nalunaarutigineqarpoq.

Sisamanngornermi ualikkut ilisimatitsissutigineqarpoq tunillatsissimasoq ataaseq Upernavimmi paasineqarsimasoq. Tunillaassuunneq suminngaanneernersoq oqartussanit suli ilisimaneqanngilaq.

LÆS OGSÅ: Covid-19: Tunillatsissimasut marluk - Upernavimmi Qaqortumilu

- Tuniluunnerup paasiniarnera politiiniit ippassaq unnukkut suliarineqarluni aallartippoq. Tuniluunnerup paasiniarnerani paasineqarpoq tunillatsissimasut pingajuat tunillassimaneqarnini suli ilisimalersinnagu Upernavimmiit Nuummut angalasimasoq. Timmisartuni angalasimasut angerlarsimaannarnissaat ullullu arfineq-aappassaani misissortinnissaat imaluunniit ersiuteqalersimagunik misissortinnissaat kaammattuutigineqarpoq.

Timmisartumik angalanerit pingasut misissorneqassapput

Tunillatsissimasoq Upernavimmiit Nuummut angalasimammat, timmisartumik angalaqataasut maanna angerlarsimallutik mattusimanissaannik misissorneqarnissaannillu oqartussat kaammattuuteqarput.

Angalanerit uku pineqarput:

  • 20/7-2021 GL 205 Upernavimmiit Ilulissanut
  • 21/7-2021 GL 571 Ilulissaniit Kangerlussuarmut
  • 21/7-2021 GL 227 Kangerlussuarmiit Nuummut

- Tunillanneqarsimasumut qanillisimasut ullut arfineq-marluk angerlarsimaannassapput, ullullu arfineq-aappassaanni misissortinnikkut tunillatsissimannginnerat uppernarsarneqarnissaata tungaanut angerlasimaannartussaallutik. Tunillatsissimasut qanillisimasut ullut arfineq-marluk iluani ersiuteqalersimagunik angerlasimallutik mattusimalissapput misissortinnissarlu pillugu peqqinnissaqarfimmut sianerlutik saaffiginnissallutik, corona pillugu allatseqarfik ilisimatitsivoq.

Innuttaasut tamarmik allanut attaveqarnissamut tunuarsimaaqquneqarput, allanullu attaveqarfiit ikinnerpaaffimmiiteqquneqarlutik.

Innuttaasut aamma maleruagassanik ukuninnga eqqaasinniarneqarput:

  • Napparsimaguit angerlarsimagit
  • Assatit errortukulakkit, imaluunniit assannut spriti atoruk
  • Tallinnut quersorlutilluunniit tangajorit
  • Assamminneq, ersakkut kunissineq eqitaarinerlu pinaveersaakkit – inunnik allanik timikkut attugaqarnissat killileruk
  • Eqqiaaneq eqqumaffigiuk – angerlarsimaffinni suliffinnilu
  • Inunnut qanillinaveersaarlutillu allat innimiginninnissaannik piumaffigikkit
Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER